‘नीट-यूजी’ची अर्ज प्रक्रिया सुरू, यंदा परीक्षा होणाऱ्या शहरांच्या संख्येत वाढ

पुणे : राष्ट्रीय परीक्षा प्राधिकरणाकडून (एनटीए) वैद्यकीय अभ्यासक्रमांच्या प्रवेशासाठी राष्ट्रीय प्रवेश पात्रता परीक्षा-पदवीपूर्व (नीट-पीटी) ही परीक्षा ५ मे रोजी होणार आहे. या परीक्षेसाठी अर्ज प्रक्रिया सुरू करण्यात आली असून, त्यासाठी ९ मार्चपर्यंतची मुदत देण्यात आली आहे. परीक्षा केंद्र असलेल्या शहरांमध्ये यंदा वाढ करण्यात आली आहे. एनटीएने प्रसिद्धिपत्रकाद्वारे ही माहिती दिली. एमबीबीएस, बीएएमएस अशा विविध वैद्यकीय पदवी अभ्यासक्रमांसाठी नीट-यूजी ही प्रवेश परीक्षा घेण्यात येते. तसेच चार वर्षांच्या बीएस्सी नर्सिंग अभ्यासक्रमाच्या प्रवेशासाठीही ही परीक्षा द्यावी लागणार आहे.