बागेत खेळणाऱ्या शाळकरी मुलींशी अश्लील कृत्य; एकाच्या विरोधात गुन्हा दाखल

पुणे : बागेत खेळणाऱ्या शाळकरी मुलींना मोबाइलवर अश्लील चित्रफीत दाखवून त्यांचा पाठलाग करणाऱ्या एकाच्या विरोधात खडकी पोलिसांनी गुन्हा दाखल केला. राहुल लहू कदम (वय ५३, रा. पीएमसी काॅलनी, संभाजीनगर, वाकडेवाडी, मुंबई-पुणे रस्ता) असे गुन्हा दाखल केलेल्याचे नाव आहे. याबाबत एका मुलीच्या वडिलांनी खडकी पोलीस ठाण्यात फिर्याद दिली आहे. शाळकरी मुलगी आणि तिच्या मैत्रिणी बागेत खेळत होत्या. त्या वेळी कदम बागेत थांबला होता. कदमने मुलींचा पाठलाग करुन त्यांना मोबाइलवर अश्लील चित्रफीत दाखविली. उद्यानात थांबलेले शेखर साठे यांनी हा प्रकार पाहिला. त्यानंतर कदम तेथून पसार झाला. साठे यांनी त्याचा पाठलाग केला. कदम पीएमसी वसाहतीत गेल्याचे त्यांनी पाहिले.