पुणे : आजीबाईंनी दाखवले प्रसंगावधान, चोरटा झाला गजाआड

पुणे : गेल्या काही महिन्यांपासून पीएमपीतील प्रवासी महिलांकडील दागिने चोरून नेण्याच्या घटनांमध्ये वाढ झाली आहे. सातारा रस्त्यावर पीएमपी प्रवासी ज्येष्ठ महिलेच्या हातातील बांगडी चोरट्यांनी कटरने कापले. गर्दीत बांगडी कापणाऱ्या चोरट्याला ज्येष्ठ महिलेने पकडले. त्यांनी आरडाओरडा केल्यानंतर प्रवाशांनी चोरट्याला पकडून पोलिसांच्या ताब्यात दिले. चोरट्याबरोबर असलेले साथीदार पसार झाले असून, पोलिसांकडून त्यांचा शोध घेण्यात येत आहे.

आणखी वाचा

Indian Airlines : तीन दिवसांत १२ विमानांना बॉम्बने उडवण्याची धमकी; केंद्रीय नागरी उड्डाण मंत्री म्हणाले, “विघ्नकारी कृत्यांमुळे चिंता”

२१ ऑक्टोबर पंचांग: मेष, सिंहसह ‘या’ राशींची इच्छापूर्ती…

वाढदिवसाच्या बहाण्याने हॉटेलमध्ये नेऊन मैत्रिणीशी बळजबरी शारीरिक संबंध

गाव बदलत आहे… प्रश्न आहे बदलाच्या दिशेचा

ॲमेझॉनकडून विक्रेत्यांच्या शुल्कात कपात; दिवाळीच्या तोंडावर पाऊल; राज्यातील १ लाख ८० हजारांना फायदा

गुन्हेगारीत महिलांचा टक्का वाढतोय, काय आहेत कारणे?

पुण्यात बुधवारी पडलेल्या पावसाने २१ सप्टेंबर १९३८ रोजीचा विक्रम मोडला; जाणून घ्या, सप्टेंबर महिन्यांतील आजवरच्या पावसाची आकडेवारी

डोंबिवली मोठागाव खाडी किनारी डेब्रिजचे,भराव टाकून खाडी बुजविण्याच्या हालचाली

या बाबत एका ७२ वर्षीय ज्येष्ठ महिलेने सहकारनगर पोलीस ठाण्यात फिर्याद दिली आहे. तक्रारादार ज्येष्ठ ‌महिला जांभुळवाडी परिसरात राहायला आहेत. त्या स्वारगेट ते जांभुळवाडी या मार्गावरील पीएमपी बसमधून प्रवास करत होत्या. बसमध्ये गर्दी होती. चोरटे बसमधील शिरले होते. ज्येष्ठ महिलेला बसमध्ये जागा मिळाली नव्हती. त्यामुळे त्या उभ्या होत्या. चोरट्यांनी गर्दीत ज्येष्ठ महिलेच्या हातातील ४० हजारांची सोन्याची बांगडी कटरने कापली. त्यानंतर तो पसार होण्याच्या तयारीत असताना ज्येष्ठ महिलेने पाहिले. त्यांनी आरडाओरडा केला. चोरटा आणि साथीदार बस थांब्यावर उतरले.

आणखी वाचा-“हा तर भाजपाचा राजकीय सोहळा”, राम मंदिरावरून संजय राऊतांची टीका; म्हणाले, “हा सोहळा होऊद्या, मग..”

ज्येष्ठ महिलेचा आरडाओरडा प्रवाशांनी ऐकला. पद्मावती परिसरात प्रवासी आणि नागिरकांनी पाठलाग करुन चोरटा चांदबाबू अलीहुसेन शेख (वय ३०, रा. बेचाळीस चौक, कोंढवा खुर्द) याला पकडले. त्याला पोलिसांच्या ताब्यात देण्यात आले. शेखला पोलिसांनी अटक केली असून, त्याच्याबरोबर असलेल्या साथीदारांचा शोध घेण्यात येत आहे. पोलीस उपनिरीक्षक राहुल खंडाळे तपास करत आहेत.