एक हजार जमीन मोजणी यंत्र खरेदीसाठी नव्याने प्रक्रिया राबविण्यात येणार

प्रत्येक स्थानकांवर एक यंत्र उभारण्यात येणार असून भूमी अभिलेख विभागाने मे महिन्यात ७७ स्थानकांसाठी निविदा मागविल्या. त्यानुसार विभागाकडे ८८ निविदा प्राप्त झाल्या. मात्र, सर्व निविदा चढ्या दराने आल्याने प्राप्त निविदा रद्द करण्यात आल्या आहेत. याबाबत बोलताना भूमी अभिलेख विभागाचे अतिरिक्त आयुक्त आनंद रायते म्हणाले, ‘रोव्हर यंत्रे खरेदीसाठी काढण्यात आलेल्या निविदांबाबत राज्याचे महसूल मंत्री राधाकृष्ण विखे पाटील यांच्यासोबत चर्चा करण्यात आली. सर्व निविदा वाढीव दराने आल्याचे सांगताच महसूल मंत्र्यांनी नव्याने निविदा काढण्याची सूचना करून मंजुरीही दिली. त्यानुसार ७७ स्थानकांवरील रोव्हर यंत्रे खरेदीसाठी नव्याने निविदा मागविण्यात येणार आहे. या प्रक्रियेला काहीसा विलंब लागण्याची शक्यता असली, तरी पारदर्शकपणे ही प्रक्रिया पार पाडली जाईल.’

आणखी वाचा

राज्यात ईएसआयसी १८ नवी रुग्णालये उभारणार, रायगडमध्ये सर्वाधिक चार रुग्णालये, भूसंपादनाची प्रक्रिया सुरू

…तर औषधाची गरजच नाही! वाचा निरोगी आयुष्य जगण्यासाठी…

कायदा व सुव्यवस्था राखण्याचे सोडून नागपुरातील ठाणेदार विकतायेत तिकीट…. प्रत्येकाला तीनशे…

अमरावतीत १४९ एसटी बसेस भंगारात; कमतरतेमुळे प्रवाशांचे हाल

कर्मचाऱ्यांच्या ताणावर ॲपची मात्रा ! पुणे महापालिका प्रशासनाचा स्थायी समितीसमोर प्रस्ताव

वर्षभरात अटल सेतूवरुन धावली ८२ लाख ८१ हजार वाहने, सेतू वाहतूक सेवेत दाखल होऊन एक वर्षे पूर्ण

३५०० एकर जमिनीचे १०० दिवसांत वितरण; ‘एमआयडीसी’च्या भूखंडांबाबत मुख्यमंत्र्यांचे आदेश

‘आपले सरकार’द्वारे सेवांमध्ये वाढ करा : मुख्यमंत्री

हेही वाचा : श्रीनगरमधील त्या अधिकृत इमारतींच्या पुनर्विकासाचा मार्ग मोकळा

रोव्हर यंत्रच का?

सध्या भूमी अभिलेख विभागाकडून ईटीएस यंत्राच्या सहाय्याने मोजणी करण्यात येत आहे. जागेवर जीपीएस रीडिंग घेऊन त्या क्षेत्राचे अक्षांश व रेखांश घेतले जात आहे. या प्रक्रियेला तीन ते चार तासांचा कालावधी लागतो आहे. जीपीएस रीडींग घेण्यासाठीचा हा वेळ कमी करण्यासाठी शासनाच्या भूमी अभिलेख विभागाने सर्व्हे ऑफ इंडियाच्या मदतीने कॉर्स या आधुनिक तंत्रज्ञानाचा वापर करण्यास सुरुवात केली आहे. रोव्हर मशीन उपग्रहाच्या आधारे प्राप्त तरंगलहरीद्वारे (सिग्नल) अचूक ठिकाण दर्शवते. संबंधित ठिकाणचे अक्षांश-रेखांशवरून ऑटोकॅड सारख्या संगणकप्रणालीचा (सॉफ्टवेअर) वापर अवघ्या तासाभरात दहा एकर जमिनीची अचूक आणि सूलभ मोजणी करता येणार आहे, असेही रायते यांनी सांगितले.