टँकरच्या चाकाखाली सापडून एक वर्षांच्या बालकाचा मृत्यू

पोलिसांनी दिलेल्या माहितीनुसार, महातो दाम्पत्य सासवड रस्त्यावरील उरुळी देवाची परिसरातील एका भंगार माल दुकानात कामाला आहेत. दुकानाच्या पोटमाळ्यावर ते राहायला आहेत. मंगळवारी (२१ जानेवारी) दुपारी तीनच्या सुमारास महातो यांचा एक वर्षांचा मुलगा कृष्णा भंगार माल दुकानाच्या समोरील मोकळ्या जागेत खेळत होता. त्याची आई बबीतादेवी यांनी त्याला चटईवर ठेवले होते. त्यावेळी तेथे आलेल्या पाण्याच्या टँकरच्या चाकाखाली तो सापडला. त्याचा जागीच मृत्यू झाला. अपघातानंतर घटनास्थळी न थांबता तो पसार झाला. सहायक पोलीस निरीक्षक अमित शेटे तपास करत आहेत.