पुणे : ‘तो’ जाताना तिघांना जीवनदान अन् एकाला दृष्टी देऊन गेला…

भारती हॉस्पिटलमध्ये ५७ वर्षीय रुग्ण मेंदूत रक्तस्राव झाल्याने मेंदूमृत अवस्थेत होता. त्याच्या अवयवदानाने अनेकांचे प्राण वाचू शकतात हे अतिदक्षता विभागातील डॉक्टरांच्या लक्षात आले. भारती हॉस्पिटलमधील वैद्यकीय सामाजिक विभाग, केरळी चॅरिटेबल फाउंडेशन, पुणे आणि आंतरराष्ट्रीय मानवता आयोगाच्या पथकाने रुग्णाच्या नातेवाइकांचे समुपदेशन केले. त्यानंतर विभागीय प्रत्यारोपण समन्वय समितीच्या समन्वयक आरती गोखले यांना कळविण्यात आले. त्यांनी तातडीने इतर रुग्णालयांशी समन्वय साधून अवयवदानाची प्रक्रिया पूर्ण केली.

आणखी वाचा

पिंपरी : मतमोजणीसाठी पिंपरी पोलिसांचा तगडा बंदोबस्त; किती पोलीस असणार तैनात?

पुण्यात मतमोजणीसाठी कडक बंदोबस्त… किती पोलिसांची फौज तैनात?

पुणे जिल्ह्यातील २१ मतदारसंघातील मतमोजणी कधी पूर्ण होणार ? प्रशासनाची तयारी काय ?

पिंपरी, चिंचवड, भोसरी, मावळचा निकाल कधीपर्यंत येणार हाती? प्रशासनाने दिली महत्वाची माहिती

एमपीएससीतर्फे १ डिसेंबरला होणाऱ्या संयुक्त पूर्व परीक्षेसाठी नवे प्रवेश प्रमाणपत्र आवश्यक… काय आहेत मार्गदर्शक सूचना?

आणखी वाचा-पुणे : पर्वती दर्शन भागात टोळक्याची दहशत; वाहनांची तोडफोड

या रुग्णाचे एक मूत्रपिंड भारती हॉस्पिटलमधील रुग्णाला देण्यात आले, तर दुसरे मूत्रपिंड नाशिकमधील अपोलो हॉस्पिटल येथील रुग्णाला देण्यात आले. रुग्णाचे यकृत बाणेरमधील ज्युपिटर हॉस्पिटल येथील रुग्णाला देण्यात आले. रुग्णाच्या डोळ्यातील नेत्रपटल भारती हॉस्पिटल नेत्रपेढीत ठेवण्यात आले आहे. या नेत्रपटलामुळे एखादा अंध जग पाहू शकणार आहे. आरोग्य विज्ञान विभागाच्या संचालिका डॉ. अस्मिता जगताप, वैद्यकीय संचालक डॉ. संजय ललवानी, उपसंचालक डॉ. जितेंद्र ओसवाल यांनी यात मार्गदर्शन केले.