पिंपरीत वर्षभरात १४ हजार भटक्या कुत्र्यांची नसबंदी झाल्याचा दावा

पिंपरी-चिंचवड महापालिकेच्या हद्दीत सुमारे २५ हजार कुत्री असल्याचा अंदाज पशुवैद्यकीय विभागाने व्यक्त केला आहे.एक वर्षात १४ हजार कुत्र्यांवर शस्त्रक्रिया करून पुन्हा त्याच परिसरात सोडली आहेत. मात्र, त्या परिसरात वर्षभरात कुत्र्यांची संख्या वाढली असल्याचा आरोप स्थायी समितीच्या सभेत सदस्यांनी केला.

या संदर्भात कुत्री पकडणाऱ्या संस्थेला तीन महिन्याची मुदतवाढ देण्यात आली आहे.आतापर्यंत महापालिकेने ठेकेदाराला ३८ लाख रुपये दिले असून अद्यापही १५ लाख रुपये देणे बाकी आहे. तर तीन महिन्यांच्या कालावधीत तीन हजार ६०० कुत्री पकडण्याचा अंदाज असून त्यासाठी २४ लाख रुपये महापालिकेला मोजावे लागणार आहे.पशुवैद्यकीय विभागात आकडेवारीचा गोंधळ सुरु असल्याचा आरोप भाजपाच्या एका नगरसेवकांनी पत्रकार परिषदेत केला आहे.