पुणे : कौटुंबिक न्यायालय नूतन वास्तुच्या उद्घाटनानंतर साडेपाच वर्षे वाहनतळ बंद

कौटुंबिक न्यायालयातील वकील संघटनेचे माजी अध्यक्ष ॲड. गणेश कवडे यांनी उपोषणाचा इशारा दिला आहे. शिवाजीनगर न्यायालयाला जोडणारा भुयारी मार्ग अद्याप सुरू करण्यात आला नसून भुयारी मार्ग सुरू करण्याची मागणी निवेदनाद्वारे करण्यात आली आहे. याबाबत मुंबई उच्च न्यायालयातील न्यायमूर्ती आणि कौटुंबिक न्यायालयाच्या पालक न्यायाधीश भारती डोंगरे, उच्च न्यायालयाचे प्रबंधक आणि कौटुंबिक न्यायालयाच्या प्रमुख न्यायाधीशांना निवेदन देण्यात आले आहे. शिवाजीनगर येथील कौटुंबिक न्यायालयाची इमारत आदर्शवत असून १२ ऑगस्ट २०१७ रोजी तत्कालिन मुख्यमंत्री देवेंद्र फडणवीस आणि मुंबई उच्च न्यायालयाच्या प्रमुख न्यायमूर्ती डाॅ. मंजुळा चेल्लूर यांच्या हस्ते कौटुंबिक न्यायालयाच्या नूतन वास्तुचे उद्घाटन करण्यात आले होते. तेव्हापासून कौटुंबिक न्यायालयाच्या आवारातील वाहनतळ बंद आहे. वाहनतळ खुला करुन देण्यासाठी वेळोवेळी वकिलांकडून मागणीही करण्यात आली होती.

आणखी वाचा

गुन्ह्याच्या अधिकच्या तपासासाठी बदलापूर आरोपींचा पोलिसांकडे ताबा

Bigg Boss Marathi 5: सर्व एलिमिनेटेड सदस्यांची घरात…

Badlapur Sexual Assault Case: बदलापूर लैंगिक अत्याचार प्रकरणी शाळेचे अध्यक्ष उदय कोतवाल, सचिव तुषार आपटे यांना जामीन, दुसऱ्या प्रकरणात मात्र अटक

बदलापूर प्रकरणातील शाळेचे अध्यक्ष, सचिव अखेर अटकेत; ४४ दिवसांनी आरोपींना बेड्या, परिमंडळ ४ पोलिसांची कारवाई

कल्याणीनगर अपघात प्रकरणातील मुलाला दिल्लीतील शिक्षण संस्थेने प्रवेश नाकारला 

डॉ. अजित रानडे हे ७ ऑक्टोबरपर्यंत कुलगुरूपदी कायम; उच्च न्यायालयाची स्पष्टोक्ती

हैदराबाद एन्काउंटरची चौकशी करणारे न्यायमूर्ती म्हणाले, “जलद न्यायाच्या मागे लागू नका…”

वसई येथील पाच अल्पवयीन मुलींवरील लैंगिक अत्याचाराचे प्रकरण: आरोपीची जन्मठेप उच्च न्यायालयाकडून कायम

हेही वाचा >>> लांबलेल्या परीक्षा, विस्कळीत शैक्षणिक वर्षावरून सावित्रीबाई फुले पुणे विद्यापीठाच्या अधिसभेत गदारोळ

उच्च न्यायालयाने सशुल्क वाहनतळ सुरू करण्यास परवानगी दिली होती. वकिलांनी त्याला विरोध केला होता. कौटुंबिक न्यायालयातील वकिलांना शिवाजीनगर न्यायालयाच्या आवारात वाहन लावावे लागते. वाहन लावण्यासाठी जागा उपलब्ध नसल्याने गैरसोय होत आहे. शिवाजीनगर न्यायालय आणि कौटुंबिक न्यायालयाला जोडणारा भुयारी मार्ग बंद आहे. भुयारी मार्ग तसेच कौटुंबिक न्यायालयातील वाहनतळ ३१ मार्चपर्यंत सुरू न झाल्यास उपोषण करण्याचा इशारा कौटुंबिक न्यायालयातील वकील संघटनेचे माजी अध्यक्ष ॲड. गणेश कवडे यांनी निवेदनाद्वारे दिला आहे.