पिंपरी चिंचवडकरांना अधिक चांगल्या आरोग्य सुविधांसाठी आता कृती आराखडा

महापालिकेने राष्ट्रीय आरोग्य प्रणाली संसाधन केंद्राने प्रदान केलेल्या रचनेनुसार आरोग्य कृती योजना आराखडा तयार करण्याचे निर्देश राज्य शासनाने दिले आहेत. त्याअंतर्गत महापालिका आणि युनिसेफ संस्थेच्या संयुक्त विद्यमाने विशेष कार्यशाळा पार पडली. आरोग्य वैद्यकीय अधिकारी डॉ. लक्ष्मण गोफणे, डॉ. अभयचंद्र दादेवार, डॉ. शिवाजी ढगे, डॉ. श्रीकांत सुपेकर, डॉ. अभिजित सांगडे उपस्थित होते.

आणखी वाचा

मत हवं? नद्या, झाडे, टेकड्या वाचवा…

महायुतीला सत्ता मिळाली, लाडक्या बहिणींना २१०० रुपये कधीपासून…

‘सेफ’ राहण्यासाठी, एक होण्यापेक्षा…

पुणे: खासगी रुग्णालयांवर कारवाईचा बडगा ! नियमांचे पालन न केल्याप्रकरणी महाराष्ट्र प्रदूषण नियंत्रण मंडळाचे पाऊल

डोंबिवली पलावा वसाहतीमधील अलिशान सदनिकेतून विदेशी वन्यजीव जप्त, ठाणे वन विभागाची कारवाई

एमआयडीसीलाही झोपड्यांच्या जागा, ‘क्लस्टर’साठी साडेबारा टक्के योजनेचा प्रस्ताव

थंडीचा कडाका वाढताच आजारांमध्ये वाढ! बदलत्या हवामानाचा परिणाम; आरोग्यतज्ज्ञांचा सल्ला जाणून घ्या…

हेही वाचा >>> पिंपरी : निगडीपर्यंत मेट्रो कधीपर्यंत धावणार? ‘इतक्या’ कोटींची निविदा प्रसिद्ध

महापालिकेच्या वतीने शहरात राबवण्यात आलेल्या विविध उपक्रमांची दखल जागतिक पातळीवर घेतली जात आहे. महापालिकेस विविध पुरस्कारही मिळाले आहेत. नवी दिशा, झोपडपट्टी शून्य कचरा व्यवस्थापन यांसारखे महत्त्वाकांक्षी उपक्रम महापालिका राबवीत आहे. नागरिकांचाही या उपक्रमांना उत्तम प्रतिसाद मिळत आहे. प्रभाग आणि शहर पातळीवरील आरोग्य कृती आराखडा तयार करण्यासाठी महापालिकेची निवड करण्यात आली आहे. त्यासाठी प्रभागनिहाय विविध उपाययोजना राबविण्यात येणार आहेत. या उपाययोजनांची अंमलबजावणी करण्यासाठी संबंधित अधिकाऱ्यांनी युनिसेफ संस्थेशी समन्वय साधून काम करण्याच्या सूचना अतिरिक्त आयुक्त खोराटे यांनी दिल्या. आशासेविकांचे प्रशिक्षण, त्यांना येणारी आव्हाने, अडचणी, गर्भधारणेच्या अत्याधुनिक सुविधा, लहान मुलांचे आरोग्य, स्वच्छतेची गुणवत्तावाढ, मासिक पाळी स्वच्छता व्यवस्थापन आणि सार्वजनिक आरोग्य अशा विविध मुद्द्यांवर चर्चा करण्यात आल्याचे आरोग्य वैद्यकीय अधिकारी डॉ. लक्ष्मण गोफणे यांनी सांगितले.