एकाच प्रभागातील डांबरीकरणासाठी १५ कोटी खर्च ; ऐन पावसाळ्यात डांबरीकरणाची कामे होणार?

पिंपरी: पिंपरी पालिकेच्या मामुर्डी, विकासनगर या एकाच प्रभागातील रस्ते डांबरीकरणाची कामे करण्यासाठी १५ कोटी रुपये खर्च करण्यात येणार आहे. या प्रस्तावास मान्यता देण्याचा विषय प्रशासक राजेश पाटील यांच्यासमोर मांडण्यात आला आहे. ऐन पावसाळ्यात डांबरीकरणाची कामे केली जाणार आहेत का, असा मुद्दा उपस्थित केला जात आहे. महापालिकेच्या विकासनगर, मामुर्डी प्रभागातील ताब्यात आलेल्या रस्त्यांचे डांबरीकरण तसेच रस्ते विकसित करण्याचा प्रस्ताव ब क्षेत्रीय कार्यालयाच्या स्थापत्य विभागाने तयार केला आहे.