पुणे – ढेकूण घालवण्यासाठी पेस्ट कंट्रोल करणं जीवावर बेतलं, दोन तरुणांचा मृत्यू

दोघे तरुण एका महाविद्यालयाच्या कॅन्टीनमध्ये काम करत होते. कॅन्टीन मालकाने दोघा तरुणांना राहण्यासाठी एक खोली दिली होती. ढेकणांचा त्रास होत असल्याने खोलीत पेस्ट कंट्रोल करण्यात आलं होतं. पेस्ट कंट्रोल केलं असल्याने दोघे तरुण तीन दिवसांसाठी मित्राच्या घरी गेले होते. नंतर पुन्हा ते आपल्या खोलीवर आले होते. पण पेस्ट कंट्रोलचा प्रभाव कमी झाला नसल्याने दोघा तरुणांचा मृत्यू झाला.

सकाळी वेळ होऊनही दोघे तरुण कामावर न आल्याने कॅन्टीन मालकाने खोलीत जाऊन पाहणी केली असता दोघे मृतावस्थेत आढळले. दोघांना रुग्णालयात नेण्यात आलं होतं, पण डॉक्टरांनी त्यांना मृत घोषित केलं. मृतदेह शवविच्छेदनासाठी पाठवण्यात आले असून पोलीस तपास करत आहेत.