पिंपरी :…तर २२१ कोटी रुपयांच्या ४३ मालमत्ता महापालिकेकडे जमा होणार, वाचा काय आहे प्रकरण?

वारंवार आवाहन करूनही कर भरण्यास टाळाटाळ करणाऱ्या थकबाकीदारांच्या मालमत्ता करसंकलन कार्यालयाने लाखबंद (सील) करून जप्त केल्या आहेत. त्यानंतरही मालमत्ताधारकांकडून प्रतिसाद मिळत नसल्याने महापालिकेने त्या मालमत्तांचा लिलाव जाहीर केला होता. ४३ मालमत्तांची यादी प्रसिद्ध केली. त्यात २३ निवासी व २० बिगरनिवासी मालमत्ता आहेत. मालमत्ताधारकांकडे एक ते आठ लाखांपर्यंतची थकबाकी आहे. त्यात प्रसिद्ध बांधकाम व्यावसायिक, संस्था, व्यक्ती यांच्या निगडी, आकुर्डी, चिंचवड, वाल्हेकरवाडी, पिंपरी भाजी मंडई, मोरवाडी, दापोडी, कासारवाडी, चोविसावाडी, चऱ्होली, वडमुखवाडी, संतनगर, मोशी, किवळे, मामुर्डी, रावेत, दिघी, बोपखेल, वाकड येथील मालमत्ता आहेत. महापालिकेने ४३ मालमत्तांचे लिलाव मूल्य जाहीर केले होते. निवासी, बिगरनिवासी मालमत्तांचे मूल्य एक कोटीपर्यंत आहे.

आणखी वाचा

पुणे : दाखल घेण्यासाठी चारशे रुपयांची लाच, सेतू कार्यालयातील महिलांना पकडले

Malasian Airlines: बेपत्ता MH370 चा शोध; पुण्यातील प्रल्हाद…

चंद्रपुरातील कारंजी बनली डास उत्पत्ती केंद्र

परभणीत ६५ कोटीचा बोगस पीक विमा उचलला, गुन्हा दाखल करण्याची खासदार जाधव यांची मागणी

ठाणे महापालिकेची ५५ टक्केच कर वसुली, दोन महिन्यात ९२४ कोटींच्या कर वसुलीचे पालिकेपुढे आव्हान

तयार मालाच्या निर्यातीवर भर; कच्च्या मालाचे मूल्यवर्धन करण्याचे पंतप्रधानांचे आवाहन

जबरी चोरीचा बनाव करणाऱ्या कर्मचाऱ्याला बेड्या

अभय योजनेचा फायदा घेणारेच झाले पुन्हा थकबाकीदार, नक्की प्रकार काय ?

लिलाव प्रक्रियेत सहभागी होण्यासाठी करसंकलन कार्यालयात ३१ जानेवारीपर्यंत आवश्यक कागदपत्रे सादर करून नावनोंदणी करणे आवश्यक हाेते. मात्र, महापालिका प्रशासनाने दिलेल्या मुदतीत मालमत्ताधारक आणि मालमत्ता लिलावाद्वारे खरेदी करण्यासाठी एकाही नागरिकाने नावनाेंदणी केली नाही. त्यामुळे आता पुन्हा तिसऱ्यांदा लिलाव प्रक्रिया राबविण्याची तयारी महापालिका प्रशासनाने सुरू केली आहे. तिसऱ्या लिलावात मालक अथवा मालमत्ता खरेदी करू इच्छिणाऱ्यांनी प्रशासनाशी संपर्क न साधल्यास या मालमत्ता नाममात्र बाेलीवर महापालिकेकडे जमा करण्यात येणार आहेत.

प्रतिसाद का नाही?

लिलावात काढलेल्या मालमत्तांचे बांधकाम जुने झाले आहे. त्यामुळे इच्छुक लिलाव प्रक्रियेत सहभागी होत नसल्याची शक्यता प्रशासनाने वर्तविली. दोन वेळा लिलाव प्रक्रियेला प्रतिसाद मिळाला नाही. त्यामुळे तिसऱ्यांदा लिलाव प्रक्रिया राबविण्यात येणार आहे. या लिलावालाही प्रतिसाद न मिळाल्यास नाममात्र बाेलीवर संबंधित सर्व मालमत्ता महापालिकेकडे जमा करण्यात येणार आहेत, असे सहायक आयुक्त अविनाश शिंदे यांनी सांगितले.