मोठा गाजावाजा करुन पिंपरी चिंचवड शहरामध्ये मोशी येथे आंतरराष्ट्रीय दर्जाचे प्रदर्शन केंद्र उभे करण्याचा निर्णय घेण्यात आला होता. गेल्या तीन-चार वर्षांत अनेक घडामोडी होऊनही आंतरराष्ट्रीय प्रदर्शन केंद्राचे काम काही सुरू होऊ शकलेले नाही. शेवटी या प्रदर्शन केंद्राचा निर्णय गुंडाळण्याची नामुष्की पिंपरी प्राधिकरणावर आली आहे. आंतरराष्ट्रीय प्रदर्शन केंद्र गुंडाळून आता त्यासाठी आरक्षित असलेल्या अडीचशे एकर जागेपैकी ४० हेक्टर जागेचे सपाटीकरण केले जाणार आहे.

उद्योगनगरी म्हणून ओळखले जात असलेले पिंपरी चिंचवड शहर ऑटोमोबाईल हब म्हणूनही जगभरात नावारुपास आले आहे. त्यामुळे औद्योगिक कंपन्यांसाठी पूरक असणारे आंतरराष्ट्रीय दर्जाचे प्रदर्शन केंद्र उभारण्याचा निर्णय प्राधिकरणाने घेतला होता. त्यासाठी स्वतंत्र कंपनी (स्पेशल पर्पज व्हेईकल- एसपीव्ही) देखील स्थापन केली जाणार होती. त्या कंपनीमार्फत हे प्रदर्शन केंद्र उभारण्यात येणार होते. अत्याधुनिक आणि सर्व सोयींनी युक्त अशा प्रदर्शन केंद्राचे संकल्प चित्र तयार करण्यासाठी एसजीएस या कंपनीची नियुक्ती करण्यात आली होती. त्यासाठी प्राधिकरणाने कंपनीला काही रक्कमही अदा केली होती. त्यानंतर राज्य शासनाने प्रदर्शन केंद्राचा खर्च प्राधिकरणाने करावा असे सांगितले. तेव्हापासून प्रदर्शन केंद्राच्या निर्मितीचे काम थंडावले. पर्यावरण ना हरकत दाखला मिळवण्यासाठी प्राधिकरणाला झगडावे लागले आहे. अजूनही तो दाखला प्राधिकरणाला मिळालेला नाही.

आणखी वाचा
Ajit Pawar claimed area honorables deprived Kharadi Chandannagar of water for tanker business
अन्यथा मते मागायला येणार नाही, असे उपमुख्यमंत्री अजित पवार का म्हणाले !
Eknath Shinde on Ladki Bahin Yojana Sixth installment
महायुतीला सत्ता मिळाली, लाडक्या बहिणींना २१०० रुपये कधीपासून…
Prakash Ambedkar, Vanchit Bahujan Aghadi Candidate pune, Vanchit Bahujan Aghadi,
“भाजपचा आरक्षण संपविण्याचा मोठा डाव”, कोणी केला हा गंभीर आरोप ?
manipur violence 10 militants killed in encounter with crpf
अन्वयार्थ : अशांत मणिपूर, अस्वस्थ नागालँड
Ambernath Vanchit Bahujan Aghadi, Ambernath,
वंचितचा कुणालाही पाठिंबा नाही, उमेदवारासाठी वंचित समर्थपणे रिंगणात, अफवांना पूर्णविराम
mahavikas aghadi government in state was lost because of Sanjay Raut vishwajit Kadams criticism
संजय राऊतांमुळे राज्यातील आघाडीचे सरकार गेले, विश्वजित कदम यांची खोचक टीका
congress rajya sabha mp abhishek manu singhvi at loksatta loksamvad event
आरक्षणावर सर्वोच्च न्यायालय विरुद्ध सारे राजकीय पक्ष

आंतरराष्ट्रीय प्रदर्शन केंद्र तयार करण्यासाठी प्राधिकरणाकडे पुरेसा निधी नसल्यामुळे त्याचा गाशा गुंडाळण्यात आला. दरम्यानच्या काळात सप्टेंबर २०१५ मध्ये संकल्प चित्र तयार केलेल्या एसजीएस या कंपनीने प्राधिकरणाच्या विरोधात न्यायालयात धाव घेतली. त्यामुळे वादाच्या भोवऱ्यात सापडलेल्या प्रदर्शन केंद्रासाठीच्या आरक्षित जागेत प्राधिकरणाला खुले प्रदर्शन केंद्रही तयार करता आले नाही. त्याच जागेवर ४० हेक्टर जागेला तारेचे कुंपण घालून जागा सपाट करण्याचा निर्णय घेण्यात आला आहे. पर्यावरण विभागाचे ना हरकत प्रमाणपत्र प्राधिकरणाला मिळवता आलेले नाही. छोटे प्रदर्शन केंद्र तयार होण्यासाठी उद्योजकांना तसेच नागरिकांना प्रतीक्षाच करावी लागणार आहे. आघाडी सरकारकडून आंतरराष्ट्रीय प्रदर्शन केंद्रासाठी म्हणावे तसे सहकार्य मिळाले नाही. ते सरकार पायउतार झाल्यानंतर भाजप सरकारलाही प्रदर्शन केंद्रामध्ये स्वारस्य नसल्याचे चित्र आहे.