पिंपरीचे पोलीस आयुक्त कृष्ण प्रकाश शरद पवारांच्या भेटीसाठी बारामतीला; बदली रद्द करण्यासाठी साकडे?

पिंपरी पोलीस आयुक्तालयातून अवघ्या दीड वर्षात कृष्ण प्रकाश यांची तडकाफडकी बदली करण्यात आली. त्यांच्या जागी नवे पोलीस आयुक्त म्हणून अंकुश शिंदे यांनी तत्काळ पदभार स्वीकारून कामकाजाला सुरूवातही केली. सुटीवर असताना आणि परदेशात गेले असताना अचानक बदली झाल्याने कृष्ण प्रकाश तीव्र नाराज आहेत. मात्र, उपमुख्यमंत्री अजित पवार आणि गृहमंत्री दिलीप वळसे पाटील यांच्या संमतीनेच बदली करण्यात आल्याच्या चर्चेमुळे, त्यांनी थेट मोठ्या साहेबांच्या (पवारांच्या) दरबारात हजेरी लावली असावी, असे सांगितले जाते.

आणखी वाचा

Devendra Fadnavis : कठोर राजकारणी कोण मोदी की अमित शाह? देवेंद्र फडणवीसांनी काय उत्तर दिलं?

Ravindra Chavan : ‘उपरा’ डोंबिवलीकर ते भाजप प्रदेश…

स्वातंत्र्यवीर सावरकर बदनामी प्रकरणात राहुल गांधींना जामीन

NCP : ‘प्रदेशाध्यक्षांसह सर्वांचे राजीनामे घ्या’, शरद पवारांसमोरच कार्यकर्त्याची जयंत पाटलांच्या राजीनाम्याची मागणी, नेमकं काय घडलं?

अजित पवारांची दिल्लीत अमित शहांशी चर्चा

Sharad Pawar NCP: सुप्रिया सुळे वगळता शरद पवार गटाच्या ७ खासदारांना होती अजित पवार गटाकडून ‘ऑफर’, पडद्यामागे घडतंय काय?

विश्लेषण : तमिळनाडूत सलग तिसऱ्या वर्षी राज्यपाल रवी यांचा अभिभाषणापूर्वीच सभात्याग, राज्यपालांचे अभिभाषण बंधनकारक असते का?

मुख्यमंत्र्यांकडून ई-कॅबिनेटचे सूतोवाच

शरद पवार शनिवारी सकाळी बारामतीत होते. कृष्ण प्रकाश यांनी त्यांची निवासस्थानी भेट घेऊन स्वत:ची कैफियत मांडली. त्यांच्यात काही वेळ चर्चा झाली. तथापि, त्याचा तपशील समजू शकला नाही. त्यानंतर, कृष्ण प्रकाश बाहेर आले. इतर वेळी प्रसारमाध्यमांना आर्वजून वेळ देणारे कृष्ण प्रकाश थेट मोटारीत बसून निघून गेले. थोड्याच वेळेत पवार यांचा ताफा कोल्हापूरकडे रवाना झाला. कृष्ण प्रकाश स्वत:ची बदली रद्द करण्यासाठी गेले असावेत, अशी अटकळ बांधली जात आहे.