पिंपरी-चिंचवड महापालिकेच्या विषय समिती सभापतिपदाच्या निवडणुकीत भाजपची बाजी

विधी समिती, क्रीडा, कला, साहित्य व सांस्कृतिक समिती, शहर सुधारणा आणि महिला व बाल कल्याण समित्यांच्या सभापतिपदासाठी झालेल्या निवडणुकीत भाजपचे उमेदवार निवडून आले. तीन विषय समित्यांच्या सभापतिपदी यापूर्वीच भाजपच्या उमेदवारांची बिनविरोध निवड झाली होती. केवळ औपचारिकता शिल्लक होती. तर महिला व बालकल्याण समितीच्या सभापतिपदासाठी भाजपसमोर राष्ट्रवादीचे आव्हान होते. ऐनवेळी राष्ट्रवादीच्या उमेदवार निकिता कदम यांनी माघार घेतली. यामुळे महिला व बालकल्याण विभागाच्या सभापतिपदी सुनीता तापकीर यांची निवड झाली.

> विधी समिती: शारदा हिरेन सोनवणे, सभापती, अश्विनी संतोष जाधव, उपसभापती

> क्रीडा, कला, साहित्य व सांस्कृतिक समिती: लक्ष्मण सोपान सस्ते, सभापती, बाळासाहेब
ओव्हाळ, उपसभापती

> शहर सुधारणा समिती: सागर बाळासाहेब गवळी, सभापती, शैलेश प्रकाश मोरे, उपसभापती

> महिला व बाल कल्याण समिती: सुनीता तापकीर, सभापती, योगिता ज्ञानेश्वर नागरगोजे, उपसभापती