Video : दापोडीत वाहनांची तोडफोड करणाऱ्या गुंडांची काढली धिंड!

१५ फेब्रुवारी रोजी तिन्ही आरोपींनी मदरसा परिसर आणि पवार वस्ती परिसरात रस्त्यावर पार्क केलेल्या दोन रिक्षांची तोडफोड केली होती. पाच ते सहा दुचाकींच मोठं नुकसान केलं होतं. तसेच हवेत कोयते फिरवून दहशत निर्माण करण्याचा प्रयत्न केला होता. ही घटना १५ फेब्रुवारी रोजी संध्याकाळी घडली होती. याप्रकरणी दापोडी पोलीस ठाण्यात गुन्हा दाखल करण्यात आला होता. नुमान खान, मुजफ्फर कुरेशी आणि सिपटेन खान यांना बेड्या ठोकल्या. घटनास्थळी पवार वस्ती आणि तोडफोड केलेल्या परिसरातून पोलिसांनी आरोपींची धिंड काढली. गुंडांवर पोलिसांचा वचक राहावा म्हणून ही कारवाई करण्यात आल्याने नागरिकांमधून पोलिसांचं स्वागत करण्यात येत आहे.