पिंपरी-चिंचवड महापालिकेकडून ‘एकता दौड’चे आयोजन

पिंपरीः पिंपरी पालिकेच्या आठही क्षेत्रीय कार्यालयांमध्ये ‘राष्ट्रीय एकता दौड’चे आयोजन करण्यात आले होते. शहरवासीयांनी या उपक्रमाला उत्स्फूर्त प्रतिसाद दिला. देशाची एकता, अखंडता तसेच सुरक्षितता जपण्यासाठी या वेळी शपथ देण्यात आली. पालिकेकडून आठही क्षेत्रीय कार्यालयांमध्ये स्वतंत्रपणे राष्ट्रीय एकता फेरीचे आयोजन करण्यात आले होते. त्यामध्ये माजी नगरसेवक, विविध संस्था, संघटना, क्रीडा संस्थांचे सदस्य, खेळाडू, ज्येष्ठ नागरिक आदी या फेरीत सहभागी झाले होते. राष्ट्रीय एकता दिवसानिमित्ताने उपस्थितांनी राष्ट्रीय एकात्मतेची शपथ घतेली.