पुणे : PMPML च्या कंडक्टरकडून १७ वर्षीय तरुणीचा विनयभंग; तिच्या बाजूला उभा राहिला अन्…

पोलिसांनी दिलेल्या माहितीनुसार, १७ वर्षीय अल्पवयीन तरुणी काल दुपारी स्वारगेट ते विश्रांतवाडीदरम्यान पीएमपीएमएल बसने प्रवास करीत होती. त्यावेळी आरोपी कंडक्टर प्रशांत किसन गोडगे तिच्या बाजूला थांबून मोठ्या आवाजात म्हणाला की, “तुला बाजूला उभा राहण्यास जागा नाही का?” यावर ती तरुणी काहीच बोलली नाही आणि बाजूला उभी राहिली.

त्यानंतर काही वेळाने बसमध्ये आलेल्या तिकीट चेकरकडे या तरुणीने आरोपीबाबत तक्रार केली. याबद्दलचा राग मनात धरून आरोपीने तरुणीच्या बाजूला उभा राहीला आणि या तरुणीच्या कमरेला हात लावला. हा प्रकार आरोपीने तीन वेळा केला. या घटनेबाबत १७ वर्षीय अल्पवयीन तरुणीने पोलिसांकडे तक्रार नोंदवली. यानंतर पोलिसांनी तातडीने पीएमपीएमएल बसच्या या कंडक्टरला अटक केली असून अधिक तपास करण्यात येत आहे.