पिंपरी : आचारसंहिता संपताच पीएमआरडीए ॲक्शन मोडवर; अनधिकृत बांधकाम धारकांवर थेट..

इंदाराम चौधरी (रा. गहूंजे, ता. मावळ), दीपक कुमार सहानी (रा. गहूंजे, ता. मावळ) अशी गुन्हा दाखल झालेल्यांची नावे आहेत. याप्रकरणी पुणे महानगर प्रदेश विकास प्राधिकरण (पीएमआरडीएचे) कनिष्ठ अभियंता गणेश जाधव यांनी तळेगाव दाभाडे पोलीस ठाण्यात फिर्याद दिली आहे.

हेही वाचा…लाडकी बहीण योजनेतील पैसे वाटपाच्या आमिषाने ज्येष्ठ महिलेची फसवणूक, हडपसर भागातील घटना

ह

पोलिसांनी दिलेल्या माहितीनुसार, इंदाराम चौधरी यांना पीएमआरडीएने अनधिकृत बांधकाम काढून घेण्याबाबत नोटीस दिली होती. तिचे पालन न करता चौधरी यांनी चार मजली इमारतीचे अनधिकृत बांधकाम केले. याबाबत त्यांच्या विरोधात गुन्हा दाखल करण्यात आला आहे. दीपक कुमार सहानी यांना देखील पीएमआरडीएने अनधिकृत बांधकाम काढून घेण्याबाबत नोटीस दिली होती. तिचे पालन न करता सहानी यांनी चार मजली इमारतीचे अनधिकृत बांधकाम केले. याबाबत त्यांच्या विरोधात देखील गुन्हा दाखल करण्यात आला आहे. दोन्ही गुन्ह्यांचा तपास तळेगाव दाभाडे पोलीस करीत आहेत.

हेही वाचा…पिंपरी : तोतया पोलीस, मनी लाँड्रिंगची भीती आणि महिलेची एक कोटी रुपयांची फसवणूक

दरम्यान, लोकसभा आणि विधानसभा निवडणुकीच्या आचारसंहिता कालावधीत पीएमआरडीए हद्दीत मोठ्या प्रमाणात अनधिकृत बांधकामे झाल्याचे दिसून येत आहे. आचारसंहिता संपताच प्रशासनाने या बांधकामांवर कारवाईचा हातोडा उगारण्यास सुरुवात केली आहे. अनधिकृत बांधकाम धारकांना बांधकाम काढून घेण्याबाबत नोटिसा दिल्या जात आहेत. त्यानंतरही बांधकाम सुरू ठेवल्यास गुन्हे दाखल केले जात आहेत.