पुण्यात वाढदिवसाचा केक कोयत्याने कापणारे गजाआड, मुंढवा पोलिसांकडून चौघांना अटक

पोलीस कर्मचारी रमेश उगले यांनी या संदर्भात मुंढवा पोलीस ठाण्यात फिर्याद दिली आहे. आरोपी वीरेंद्र सस्ते याच्या वाढदिवसानिमित्त समाजमाध्यमावर समूह तयार करण्यात आला आहे. सस्ते आणि त्याचे साथीदार मुंढव्यातील केशवनगर भागात राजमाता जिजाऊ चौकात सायंकाळी जमले. सस्ते आणि साथीदारांनी भरस्त्यात कोयत्याने केक कापून दहशत माजविली.

हेही वाचा : पुण्यात पोपटाची पिले दाखविण्याचा बहाणा करत मित्राला ढकलले रेल्वे पुलावरून, जलपर्णीमुळे मुलगा बचावला

या घटनेची माहिती पोलिसांना मिळाल्यानंतर चौघांना अटक करण्यात आली. त्यांच्याबरोबर असलेले साथीदार पसार झाले असून पोलीस उपनिरीक्षक एस. आर. काटे तपास करत आहेत.