पुणे: मासेमारीची नाव विकून फसवणूक केल्याच्या गुन्ह्यात मुंबई पोलिसांना गुंगारा देणारा आरोपी गजाआड

पुणे: फस‌वणुकीच्या गुन्ह्यात मुंबई पोलिसांना गुंगारा देणाऱ्या एकाला गुन्हे शाखेने सोमवार पेठेत पकडले. प्रफुल्ल जयवंत कोळी (वय ३०, रा. रेवळ, ता. अलिबाग, जि. रायगड) असे अटक करण्यात आलेल्याचे नाव आहे.

आणखी वाचा

पुणे: अपहरणानंतर तासाभरात शासकीय ठेकेदाराचा निर्घृण खून, विठ्ठल पोळेकर खून प्रकरणात तिघे अटकेत; मुख्य सूत्रधार पसार

महायुतीला सत्ता मिळाली, लाडक्या बहिणींना २१०० रुपये कधीपासून…

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

रवींद्र वायकर यांच्याविरोधातील जोगेश्वरी भूखंड घोटाळा प्रकरण बंद; गुन्हे शाखेने दाखल केलेला अहवाल न्यायालयाने स्वीकारला

मित्राचा खून करून पसार झालेला आरोपी गजाआड, ससून रुग्णालय परिसरात कारवाई

मुंबई : गस्तीवर असलेल्या पोलीस अधिकाऱ्यावर हल्ला

चीन, नेपाळमधून सायबर फसवणूक करणाऱ्या टोळीचा पर्दाफाश

कोळी याच्याविरुद्ध सप्टेंबर २०२० मध्ये कुलाबा पोलीस ठाण्यात फसवणुकीचा गुन्हा दाखल होता. कोळी याने स्वतःच्या मालकीची नसलेली मासेमारीच्या नावेची एकास विक्री केली हाेती. त्याच्याकडून तीन लाख ८० हजार रुपये घेऊन तो पसार झाला होता. कुलाबा पोलिसांनी त्याचा शोध घेतला.

हेही वाचा… पिंपरी चिंचवडमधील पुरवठ्याच्या तक्रारींसाठी हेल्पलाइन; अधिकाऱ्यांवर जबाबदारी निश्चित

मात्र, त्याचा ठावठिकाणा लागला नव्हता. गुन्हे शाखेच्या युनिट एकमधील पोलीस कर्मचारी निलेश साबळे सोमवार पेठेत गस्त घालत होते. तेव्हा फसवणुकीच्या गुन्ह्यातील आरोपी कोळी सोमवार पेठेतील एका हाॅटेलमध्ये थांबल्याची माहिती मिळाली. पोलिसांच्या पथकाने त्याला सापळा लावून पकडले. वरिष्ठ पोलीस निरीक्षक शब्बीर सय्यद यांच्या मार्गदर्शनाखाली उपनिरीक्षक सुनील कुलकर्णी, निलेश साबळे, अजय थोरात, दत्ता सोनवणे, राहुल मखरे, अभिनव लडकत, अण्णा माने, महेश बामगुडे आदींनी ही कारवाई केली.