ज्येष्ठाला मोहजालात अडकावून खंडणी प्रकरणात पोलीस उपनिरीक्षक बडतर्फ

पुणे : ज्येष्ठ नागरिकाला मधुमोहजालात अडकावून त्याच्याकडून खंडणी उकळल्याप्रकरणी पुणे पोलीस दलातील पोलीस उपनिरीक्षक काशीनाथ उभे याला पोलीस दलातून बडतर्फ करण्याचे आदेश पोलीस आयुक्त अमितेश कुमार यांनी दिले.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

अग्रलेख: नक्की काय बुलडोझ झाले?

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

बेकायदा गृहप्रकल्प राबवणाऱ्यांवर कारवाई गरजेची; विकासकांना जामीन नाकारताना उच्च न्यायालयाची टिप्पणी

लोकजागर : सामान्य पुणेकरांना ‘व्हीआयपी’ रस्ते मिळतील का?

मोबाइल चोरणाऱ्या सराइतांना अटक; १२ मोबाइल संच जप्त; ९ गुन्हे उघड

मुख्यमंत्र्यांच्या आदेशाला महत्व नाही का? उच्च न्यायालयाची महापालिका प्रशासानाला विचारणा

ऊभे याला कायद्याचे ज्ञान असताना त्याने केलेले कृत्य समाजविघातक, बेजबाबदार, तसेच पोलीस दलाची प्रतिमा मलीन करणार असल्याचा ठपका ठेऊन पोलीस दलातून बडतर्फ करण्यात आल्याचे आदेशात म्हटले आहे. कोथरुड भागातील एका ज्येष्ठाला महिलेने मधुमोहजालात अडकावले. त्याच्याशी ओळख वाढवून लक्ष्मी रस्त्यावरील एका हॉटेलवर नेले. त्यानंतर बलात्काराचा खोटा गुन्हा दाखल करण्याची धमकी देऊन त्याच्याकडे पाच लाख रुपयांची खंडणी मागितली.

आणखी वाचा-पुणे : पिस्तूल बाळगणाऱ्या गुंडाला नदीपात्रात पकडले

पोलीस उपनिरीक्षक उभे आणि तीन महिलांनी ज्येष्ठाला हॉटेलमध्ये मारहाण केली. याप्रकरणी उभे याच्यासह तीन महिलांविरुद्ध विश्रामबाग पोलीस ठाण्यात ३० जुलै रोजी गुन्हा दाखल करण्यात आला. गुन्हा दाखल झाल्यानंतर उभेला पोलीस दलातून निलंबित करण्यात आले. याप्रकरणात उभेची चौकशी करण्यात आली. चौकशीत उभे दोषी आढळल्याने त्याला पोलीस दलातून बडतर्फ करणयाचे आदेश पोलीस आयुक्त अमितेश कुमार यांनी दिले.