पिंपरी-चिंचवडमध्ये पोलिसांकडून वृक्षारोपण

पोलीस स्थानकाच्या परिसरात नेहमीच नवचैतन्य निर्माण होण्यास मदत होईल. तसेच परिसरात निसर्गाच्या सानिध्यात राहण्याचा आनंदही मिळेल, अशी प्रतिक्रिया पोलीस अधिकाऱ्यांनी दिली आहे. पोलिसांसाठी प्रत्येक दिवस हा गुन्हेगारी क्षेत्रातील आरोपीना पकडण्यात जातो. मात्र आज पोलीस कर्मचारी आणि अधिकाऱ्यांनी झाडे लावून एक नवीन पायंडा रोवला.त्यामुळे त्यांचे करावे तेवढे कौतुक कमीच म्हणावे लागेल. या उपक्रमात सहभागी झाल्यानंतर रोपे जगवून त्याचे झाडात रुपांतर झाल्यावर खऱ्या अर्थाने हा उपक्रम सफल होईल.
पिंपरी, चिंचवड, निगडी,भोसरी , भोसरी एम.आय.डी.सी., सांगवी,हिंजवडी, वाकड या ठिकाणी आज वृक्षारोपण करण्यात आले. यावेळी पोलीस स्थानकातील कर्मचाऱ्यांसह अधिकाऱ्यांनी सहभाग नोंदवला.