लोकसत्ता प्रतिनिधी
पिंपरी : वृद्ध महिलेला मदत करण्यासाठी गेलेल्या पोलिसांना मद्यपान केलेल्या व्यक्तीने धक्काबुक्की करत शिवीगाळ केली. इथले (चिंचवड) आमदार माझ्या ओळखीचे आहेत, तुमची नोकरी या ठिकाणी कशी होते तेच बघतो अशी धमकी दिल्याची घटना जुनी सांगवी येथे घडली.
याप्रकरणी विजय साठे (वय ५१, रा. माकन चौक, जुनी सांगवी) याला पोलिसांनी अटक केले आहे. याबाबत पोलीस अंमलदार प्रवीण पाईकराव यांनी सांगवी पोलीस ठाण्यात फिर्याद दिली आहे.
पोलीस अंमलदार पाईकराव आणि पोलीस अंमलदार गुव्हाडे हे सांगवी पोलीस ठाण्यात नेमणुकीस आहेत. मंगळवारी दुपारी ते हद्दीत गस्त घालत होते. जुनी सांगवी येथे एका वृद्ध महिलेला मदतीची गरज असल्याने पाईकराव आणि गुव्हाडे महिलेच्या मदतीला गेले. मदत करत असताना साठे तिथे आला. त्याने मद्यपान केले होते. पोलिसांना धक्का देऊन ढकलून दिले. अश्लील शिवीगाळ करत तुमची नोकरी या ठिकाणी कशी होते तेच बघतो. माझ्या ओळखीचे इथले आमदार आहेत, अशी धमकी दिली. तसेच सरकारी कामात अडथळा निर्माण केला. सांगवी पोलीस तपास करीत आहेत.
