“दहा वर्षांत लाडकी बहीण आठवली नाही”, पृथ्वीराज चव्हाण यांचा अजित पवारांना टोला

मुख्यमंत्री माझी लाडकी बहीण योजना ही योजना पुढील काळात देखील सुरू ठेवायची असेल तर महायुतीच्या उमेदवारांसमोरील बटन दाबण्याचे आवाहन उपमुख्यमंत्री अजित पवार यांनी एका सभेदरम्यान केले आहे. त्या विधानाबाबत काँग्रेस पक्षाचे नेते माजी मुख्यमंत्री पृथ्वीराज चव्हाण यांना विचारले असता, अजित पवार यांना त्याच्याशिवाय काही दिसत नाही. दहा वर्षांत लाडकी बहीण आठवली नाही. लोकसभेच्या निकालानंतर लाडकी बहीण आठवली ही चांगली गोष्ट आहे, असा टोला त्यांनी लगावला.

हेही वाचा – VIDEO : वीस मिनिटे पाण्याचा मारा, अग्निशमन दलाकडून आगीवर नियंत्रण, हडपसर येथे खाजगी बसला आग

हेही वाचा – VIDEO : पिंपरी-चिंचवडमध्ये पुन्हा एकदा हिट अ‍ॅण्ड रन प्रकरण! घटना सीसीटीव्हीत कैद

आम्ही कर्नाटक राज्यात ही योजना यशस्वीपणे राबविली आहे. २ हजार रुपये देण्याचे जाहीर केले होते. त्यानुसार आम्ही देत आहोत, तेलंगणामध्येदेखील ही योजना राबविली आहे. त्यामुळे या योजनेसाठी किती पैसे द्यायचे हे आम्ही आमच्या जाहीरनाम्यात ठरवू, अशी भूमिकाही पृथ्वीराज चव्हणा यांनी मांडली.