पुणे : तब्बल वीस मिनिटे पाण्याचा फवारा करून अग्निशमन दलाच्या जवानांनी खासगी बसला लागलेल्या आगीवर नियंत्रण मिळविले. हडपसर येथे कदम बाग वस्तीलगत (सोलापूर महामार्ग) येथे एका बसला आग लागल्याची घटना सकाळी नऊच्या सुमारास घडली. माहिती मिळताच अग्निशमन दलाकडून हडपसर आणि पीएमआरडीए येथून अग्निशमन वाहन रवाना करण्यात आले होते.
घटनास्थळी पोहोचताच जवानांनी पाहिले की, एका खाजगी बसने मोठ्या प्रमाणात पेट घेतला आहे. त्याचवेळी जवानांनी प्रथम बसमध्ये कोणी आहे का याची खात्री करून घेतली. पाण्याचा मारा करत सुमारे वीस मिनिटांत आग पूर्ण विझवत धोका दूर केला. या घटनेत जखमी कोणी नसून या बसमधील १४ प्रवासी आणि वाहनचालक सुरक्षित आहेत. बस पूर्ण जळाल्याने प्रवाशांचे सामान आणि डिक्कीमधील एक दुचाकी देखील जळाली आहे.
पुणे : तब्बल वीस मिनिटे पाण्याचा फवारा करून अग्निशमन दलाच्या जवानांनी खासगी बसला लागलेल्या आगीवर नियंत्रण मिळविले. हडपसर येथे कदम बाग वस्तीलगत (सोलापूर महामार्ग) येथे एका बसला आग लागल्याची घटना सकाळी नऊच्या सुमारास घडली. pic.twitter.com/5WvCb9Ag1Z
— LoksattaLive (@LoksattaLive) August 9, 2024
या कामगिरीत अग्निशमन अधिकारी प्रमोद सोनावणे तसेच वाहनचालक नारायण जगताप, जवान बाबा चव्हाण, अनिकेत तारु, अविनाश ढाकणे, रामदास लाड व पीएमआरडीएचे वाहनचालक संदिप शेळके, जवान लक्ष्मण मिसाळ, आकाश राठोड, सुरज इंगवले, संकेत कुंभार यांनी सहभाग घेतला.
© The Indian Express (P) Ltd
