प्रवासी वाऱ्यावर! ऐन दिवाळीत खासगी बसच्या भाडेवाढीचा तिढा

पुणे : दिवाळीनिमित्त पुण्यातून मूळ गावी जाणाऱ्या विद्यार्थी आणि नागरिकांची संख्या मोठी असते. त्यामुळे या काळात सार्वजनिक वाहतूक व्यवस्थेसह खासगी वाहतुकीला मोठी गर्दी असते. याच गर्दीचा फायदा घेऊन खासगी प्रवासी बसमालकांनी प्रवाशांची लूट सुरू केली आहे. याला आळा घालण्यासाठी प्रादेशिक परिवहन कार्यालयाने (आरटीओ) एसटीचे दर जाहीर करून त्यावर दीडपट भाडे आकारण्याच्या सूचना केल्या आहेत. मात्र, बस संघटनांनी आरटीओनेच बसचे भाडे निश्चित करून द्यावे, अशी भूमिका घेतल्याने कोंडी निर्माण झाली आहे.

आणखी वाचा

पुण्यात ‘या’ रस्त्यावरून क्षमतेपेक्षा जास्त वाहनांचा प्रवास, प्रवाशांसाठी का ठरतोय जीवघेणा?

वाल्मीक कराड: राखेच्या अवैध वाहतुकीतून दहशतीचा धुरळा!

छगन भुजबळ यांची समजूत काढण्याचा प्रश्नच नाही, माणिक कोकाटे यांची भावना

डॉ. बाबासाहेब आंबेडकर यांचे नाव आमची पॅशन – जितेंद्र आव्हाड

आता गणवेश शाळांमार्फतच, शैक्षणिक सत्र सुरू होताच ४५ लाख विद्यार्थ्यांना मिळणार लाभ

बीड, परभणीतील प्रकरणांची निवृत्त न्यायमूर्तींमार्फत चौकशी; मुख्यमंत्री देवेंद्र फडणवीस यांची विधानसभेत घोषणा

शिक्षणाची संधी: महाज्योतीत प्रशिक्षण प्रवेश

डेस्टिनेशन अलिबाग!… रायगड जिल्हा पर्यटकांचे आवडते ठिकाण का बनले आहे? शेती, मासेमारीपेक्षा पर्यटनात अधिक रोजगारनिर्मिती?

पुण्याहून दररोज सुमारे पाचशेहून अधिक खासगी बस महाराष्ट्राच्या विविध भागांत जातात. या व्यतिरिक्त मुंबईहून येणाऱ्या पाचशे खासगी बस पुण्यातून पुढे मार्गस्थ होतात. पुण्यातून जाणाऱ्या प्रवाशांमध्ये विदर्भ आणि मराठवाड्यातील प्रवाशांची संख्या अधिक असते. दिवाळीच्या काळात गावी जाणाऱ्या प्रवाशांची संख्या खूप मोठी असते. प्रवाशांची संख्या वाढण्याच्या काळात बसचे भाडे वाढविण्याचे प्रकार केले जातात. दिवाळीच्या तोंडावर आता खासगी बसचालकांनी भाडे दुपटीहून अधिक वाढविले आहे. यामुळे प्रवाशांना मोठा भुर्दंड बसत आहे.

आणखी वाचा-कुणबी जात प्रमाणपत्र देण्यासाठी पिंपरी महापालिका नोंदी शोधणार

खासगी प्रवासी बसला एसटी बसच्या प्रतिकिलोमीटर भाडेदराच्या दीडपट भाडे आकारता येते. याबाबतचे कमाल भाडेदर सरकारने २७ एप्रिल २०१८ रोजी निश्चित केले आहेत. काही खासगी प्रवासी बस सणासुदीच्या व गर्दीच्या हंगामामध्ये प्रवाशांकडून मनमानी भाडे आकारत असल्याच्या तक्रारी येत आहेत. या पार्श्वभूमीवर प्रादेशिक परिवहन कार्यालयाने दिवाळीच्या काळातील एसटीचे दर जाहीर केले आहेत. त्यावर दीडपट भाडे आकारणी करावी, अशी सूचना खासगी बसना करण्यात आली आहे. त्याचे पालन न केल्यास कारवाईचाही इशारा देण्यात आला आहे. मात्र, बस संघटनांनी आरटीओने अधिकृतपणे बसचे दर निश्चित करावेत, ही आधीची मागणी लावून धरली आहे. अधिकृत दर नसल्याने आमच्यावर कारवाई केली जाते. त्यामुळे अधिकृत दर असल्यास आमच्यावरील कारवाई टळेल आणि भाडे आकारणीत सुसूत्रता येईल, असा दावा संघटनेने केला आहे.

दिवाळीच्या काळातील एसटी बसचे दर जाहीर केले आहेत. त्याच्या दीडपट भाडे आकारणी खासगी बस करू शकतात. त्यात रेड बस आणि अभिबस यांसारख्या मोबाइल ॲप्लिकेशनद्वारे सेवा देणाऱ्या कंपन्यांचाही समावेश आहे. याचे पालन न करणाऱ्यांवर कारवाई केली जाईल. -संजीव भोर, प्रभारी प्रादेशिक परिवहन अधिकारी

आणखी वाचा-पुणे: विद्यापीठाच्या परिसरात जमावबंदी; हाणामारी, मोर्चांच्या पार्श्वभूमीवर पोलिसांचा आदेश

खासगी प्रवासी बसचे भाडे दर निश्चित करण्याची मागणी आम्ही आरटीओकडे केली होती. आरटीओने दर निश्चित न करता एसटीचे दर आम्हाला कळविले आहेत. आरटीओनेच आम्हाला अधिकृतरीत्या दिवाळीसाठी खासगी प्रवासी बसचे भाडे निश्चित करून द्यावे, अशी आमची मागणी आहे. -बाळासाहेब खेडेकर, अध्यक्ष, पुणे डिस्ट्रिक्ट लक्झरी बस असोसिएशन

इथे करा तक्रार!

बसचालकाने जादा भाडे आकारल्याची तक्रार प्रवाशांना थेट आरटीओकडे करता येईल. ही तक्रार व्हॉट्सॲप क्रमांक : ८२७५३३०१०१ अथवा ई-मेल : buscomplaint.rtopune@gmail.com येथे पाठवावी. तक्रारीत प्रवाशाचे पूर्ण नाव, मोबाइल क्रमांक, प्रवासाचा मार्ग, बस क्रमांक, बसचा प्रकार, बसचे छायाचित्र आणि तिकिटाचे छायाचित्र आदी तपशील द्यावे लागतील.

एसटीचे दिवाळीच्या काळातील भाडे (८ ते २७ नोव्हेंबर)