पुणे : ज्वालाग्राही पदार्थाच्या सहाय्याने आगीचा लोळ निर्माण करण्यास किंवा हवेत सोडण्यास मनाई

गणेशोत्सव काळात गणेश मंडळे त्यांच्या स्थापनेच्या ठिकाणी तसेच मिरवणुकीमध्ये रॉकेल, डिझेल, पेट्रोल, गॅस आदी ज्वालाग्राही पदार्थाच्या सहाय्याने आगीचा लोळ निर्माण करतात किंवा हवेत सोडतात ज्यामुळे मनुष्याच्या जीवितास तसेच खाजगी अथवा सार्वजनिक मालमत्तेस धोका निर्माण होण्याची शक्यता असते.

हेही वाचा : विसर्जन मिरवणुकीत मानाच्या मंडळांनंतर जायला लावणे म्हणजे संचार स्वातंत्र्याचे उल्लंघन ; उच्च न्यायालयात याचिका दाखल

त्यामुळे फौजदारी दंडप्रक्रिया संहिता १९७३ च्या कलम १४४ प्रमाणे या बाबींना ३१ ऑगस्ट ते १० सप्टेंबर २०२२ पर्यंत मनाई करण्यात आली आहे. आदेशाचे उल्लंघन करणारी व्यक्ती भारतीय दंड विधान संहिता कलम १८८ प्रमाणे शिक्षेस पात्र राहील, असे आदेशात म्हटले आहे.