पुणे : कर्करोगाच्या वेदनांवर मात करत महिलांचे ढोल-ताशा वादन

नैराश्यातून बाहेर पडण्यास मदत –

डॉ. शेखर कुलकर्णी म्हणाले, “वय वर्षे ४० ते ७० मधील महिलांना शस्त्रक्रियेनंतर ढोलताशा वादनाचे प्रशिक्षण देण्यात आले. त्यांच्यामध्ये अमूलाग्र बदल दिसुन आला आहे. हाताच्या वेदना कमी होणे, ताजेतवाने वाटणे, रक्तदाब नियंत्रणात येणे, कोणतेही काम करण्यास उत्साह वाटणे, नैराश्यातून बाहेर पडण्यास मदत असे अनेक सकारात्मक बदल या महिलांमध्ये दिसून आले आहेत. त्यामुळे त्यांचे वादन पाहण्यासोबतच अनुभव ऐकणेही अनेकांसाठी प्रेरणादायी ठरणार आहे.”, असेही डॉ. कुलकर्णी यांनी स्पष्ट केले.

ढोल-ताशा वादनाने हा त्रास कमी होत असल्याचे दिसून आले –

पराग ठाकूर म्हणाले, “स्तनांच्या कर्करोगाची शस्त्रक्रिया झाल्यानंतर रुग्णांच्या हालचालींवर मर्यादा येतात. मात्र, ढोल-ताशा वादनाने हा त्रास कमी होत असल्याचे दिसून आल्यानंतर डॉ. शेखर कुलकर्णी यांनी अशा महिलांना महासंघाने प्रशिक्षण द्यावे, अशी विनंती केली. त्यानुसार सावित्रीबाई फुले पुणे विद्यापीठ सेवक हनुमान मंडळ आणि मंडळाचे कार्याध्यक्ष ओंकार कलडोणकर यांनी त्यांच्या प्रशिक्षणाची जबाबदारी पूर्ण केली.”