पुणे : पुणे जिल्ह्यात फेब्रुवारी महिन्यात १७ हजार ५७० घरांच्या खरेदीचे व्यवहार झाले. गेल्या वर्षीच्या तुलनेत त्यात २३ टक्के वाढ नोंदविण्यात आली आहे. या व्यवहारातून सरकारला ६२० कोटी रुपयांचे मुद्रांक शुल्क मिळाले असून, त्यातही गेल्या वर्षीच्या तुलनेत २० टक्के वाढ झाली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
नाइट फ्रँक इंडियाने पुणे जिल्ह्यातील मालमत्ता क्षेत्राचा अहवाल जाहीर केला आहे. यात पुणे शहर, पिंपरी-चिंचवड शहरासह ग्रामीण भागाचा समावेश आहे. या अहवालानुसार, पुणे जिल्ह्यात फेब्रुवारी महिन्यात १७ हजार ५७० घरांची विक्री झाली. गेल्या वर्षी याच महिन्यात घरांची विक्री १४ हजार २८४ होती. त्यात यंदा २३ टक्के वाढ नोंदविण्यात आली आहे. याचबरोबर गेल्या महिन्यातील घरांच्या व्यवहारातून सरकारला ६२० कोटी रुपयांचे मुद्रांक शुल्क मिळाले. गेल्या वर्षातील याच महिन्याच्या तुलनेत त्यात २० टक्के वाढ झाली आहे.
हेही वाचा…गैरप्रकार केलेल्या वीस शाळांची सीबीएसईकडून संलग्नता रद्द; राज्यातील दोन शाळांचा समावेश
फेब्रुवारीमध्ये घरांच्या विक्रीत ५० लाख ते १ कोटी रुपयांच्या घरांचा वाटा सर्वाधिक आहे. एकूण विक्रीत त्यांचे प्रमाण ३२ टक्के आहे. त्याखालोखाल २५ ते ५० लाख रुपये किमतीच्या घरांचे प्रमाण ३० टक्के आहे. याचवेळी २५ लाख रुपयांपेक्षा कमी किंमत असलेल्या घरांच्या विक्रीतही वाढ होऊन त्यांचे प्रमाण २२ टक्क्यांवर पोहोचले आहे. गेल्या वर्षी याच महिन्यात ते १६ टक्के होते. एकूण विक्रीत १ कोटी रुपयांपेक्षा अधिक किंमत असलेल्या घरांचे प्रमाण १४ टक्क्यांवर पोहोचले आहे. गेल्या वर्षी फेब्रुवारीत ते १० टक्के होते, असे अहवालात नमूद करण्यात आले आहे.
मध्यम आकाराच्या घरांना ग्राहकांची मोठी मागणी दिसून आली आहे. घरांच्या विक्रीत ५०० ते ८०० चौरस फुटांच्या घरांचे प्रमाण सर्वाधिक ४० टक्के आहे. त्या खालोखाल ५०० चौरस फुटांपेक्षा लहान घरांच्या विक्रीचे प्रमाण ३५ टक्के आहे. याचवेळी १ हजारहून अधिक चौरस फुटांच्या घरांच्या विक्रीचे प्रमाण १३ टक्के आहे, असेही अहवालात स्पष्ट करण्यात आले आहे.
पुण्यात परडवणारी घरे उपलब्ध असल्याने ग्राहकांची पसंती मिळत आहे. चालू वर्षात जानेवारी आणि फेब्रुवारी महिन्यात घरांच्या विक्रीत मोठी वाढ नोंदविण्यात आली आहे. या वर्षात घरांना चांगली मागणी दिसून येणार आहे, असे नाइट फ्रँक इंडियाचे व्यवस्थापकीय संचालक शिशिर बैजल यांनी सांगितले.
हेही वाचा…पुणे : ‘रिंगरोडचे भूसंपादन करताना तक्रारी आल्यास…’ जिल्हाधिकाऱ्यांची तंबी
फेब्रुवारीतील घर खरेदीदारांचे वय
वयोगट – फेब्रुवारी २०२३ मधील खरेदीत हिस्सा – फेब्रुवारी २०२४ मधील खरेदीत हिस्सा
३० वर्षांखालील – २१ टक्के – २४ टक्के
३० ते ४५ वर्षे – ५६ टक्के – ५३ टक्के
४५ ते ६० वर्षे – १७ टक्के – १७ टक्के
६० वर्षांवरील – ५ टक्के – ६ टक्के
नाइट फ्रँक इंडियाने पुणे जिल्ह्यातील मालमत्ता क्षेत्राचा अहवाल जाहीर केला आहे. यात पुणे शहर, पिंपरी-चिंचवड शहरासह ग्रामीण भागाचा समावेश आहे. या अहवालानुसार, पुणे जिल्ह्यात फेब्रुवारी महिन्यात १७ हजार ५७० घरांची विक्री झाली. गेल्या वर्षी याच महिन्यात घरांची विक्री १४ हजार २८४ होती. त्यात यंदा २३ टक्के वाढ नोंदविण्यात आली आहे. याचबरोबर गेल्या महिन्यातील घरांच्या व्यवहारातून सरकारला ६२० कोटी रुपयांचे मुद्रांक शुल्क मिळाले. गेल्या वर्षातील याच महिन्याच्या तुलनेत त्यात २० टक्के वाढ झाली आहे.
हेही वाचा…गैरप्रकार केलेल्या वीस शाळांची सीबीएसईकडून संलग्नता रद्द; राज्यातील दोन शाळांचा समावेश
फेब्रुवारीमध्ये घरांच्या विक्रीत ५० लाख ते १ कोटी रुपयांच्या घरांचा वाटा सर्वाधिक आहे. एकूण विक्रीत त्यांचे प्रमाण ३२ टक्के आहे. त्याखालोखाल २५ ते ५० लाख रुपये किमतीच्या घरांचे प्रमाण ३० टक्के आहे. याचवेळी २५ लाख रुपयांपेक्षा कमी किंमत असलेल्या घरांच्या विक्रीतही वाढ होऊन त्यांचे प्रमाण २२ टक्क्यांवर पोहोचले आहे. गेल्या वर्षी याच महिन्यात ते १६ टक्के होते. एकूण विक्रीत १ कोटी रुपयांपेक्षा अधिक किंमत असलेल्या घरांचे प्रमाण १४ टक्क्यांवर पोहोचले आहे. गेल्या वर्षी फेब्रुवारीत ते १० टक्के होते, असे अहवालात नमूद करण्यात आले आहे.
मध्यम आकाराच्या घरांना ग्राहकांची मोठी मागणी दिसून आली आहे. घरांच्या विक्रीत ५०० ते ८०० चौरस फुटांच्या घरांचे प्रमाण सर्वाधिक ४० टक्के आहे. त्या खालोखाल ५०० चौरस फुटांपेक्षा लहान घरांच्या विक्रीचे प्रमाण ३५ टक्के आहे. याचवेळी १ हजारहून अधिक चौरस फुटांच्या घरांच्या विक्रीचे प्रमाण १३ टक्के आहे, असेही अहवालात स्पष्ट करण्यात आले आहे.
पुण्यात परडवणारी घरे उपलब्ध असल्याने ग्राहकांची पसंती मिळत आहे. चालू वर्षात जानेवारी आणि फेब्रुवारी महिन्यात घरांच्या विक्रीत मोठी वाढ नोंदविण्यात आली आहे. या वर्षात घरांना चांगली मागणी दिसून येणार आहे, असे नाइट फ्रँक इंडियाचे व्यवस्थापकीय संचालक शिशिर बैजल यांनी सांगितले.
हेही वाचा…पुणे : ‘रिंगरोडचे भूसंपादन करताना तक्रारी आल्यास…’ जिल्हाधिकाऱ्यांची तंबी
फेब्रुवारीतील घर खरेदीदारांचे वय
वयोगट – फेब्रुवारी २०२३ मधील खरेदीत हिस्सा – फेब्रुवारी २०२४ मधील खरेदीत हिस्सा
३० वर्षांखालील – २१ टक्के – २४ टक्के
३० ते ४५ वर्षे – ५६ टक्के – ५३ टक्के
४५ ते ६० वर्षे – १७ टक्के – १७ टक्के
६० वर्षांवरील – ५ टक्के – ६ टक्के
