पुण्यातील प्रसिद्ध उद्योजक आणि पाषाणकर ऑटोचे मालक गौतम पाषाणकर यांच्यासह तिघांविरोधात फसवणुकीचा गुन्हा दाखल करण्यात आला आहे. अडीच कोटींची फसवणूक केल्याचा हा गुन्हा आहे. त्यांच्यावर मारहाण केल्याचा देखील आरोप करण्यात आला आहे. फ्लॅटसाठी पैसे घेऊन देखील फ्लॅट नावावर केला नाही. यासंदर्भात विचारणा केली असता कार्यालयात बोलवून मारहाण केल्याची तक्रार करण्यात आली आहे. पोलिसांनी गौतम पाषाणकर, रीनल पाषाणकर आणि दीप पुरोहित यांच्याविरोधात गुन्हा दाखल केला आहे. नरेंद्र पंडितराव पाटील वय 42 रा. शिवाजीनगर असे फिर्यादीचे नाव आहे. गेल्या वर्षी ऑक्टोबर महिन्यात गौतम पाषाणकर गायब झाले होते. जाताना त्यांनी सुसाईड नोटसारखी एक चिट्ठी देखील लिहून ठेवली होती. मात्र, अखेर त्यांना दुसऱ्या राज्यातून पोलिसांनी शोधून आणलं होतं. आता त्यांच्याविरोधात झालेल्या फसवणुकीच्या तक्रारीमुळे ते पुन्हा चर्चेत आले आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
