शहरबात : पिता-पुत्र जोडीची सायकलवरून पंढरीची वारी

आधी लोखंडे आणि त्यांचे मित्र धुमाळ हे दोघेच जण ही सायकल वारी करणार होते. पण, नंतर मुलांचा उत्साह पाहून मुलांनाही बरोबर घेऊन जायचे, असा निर्णय त्यांनी घेतला आणि त्यानुसार सुमेध आणि श्लोक या दोघांना घेऊन सायकल वारी करायचे त्यांनी ठरवले. कॅम्पमधील बिशप स्कूलमध्ये इयत्ता सहावीत शिकणारा सुमेधचा सायकल चालवण्याचा सराव सुरू होताच. या वारीसाठी सराव म्हणून सुमेधने शाळा प्रवासाबरोबरच हडपसर ते सिंहगड असा सायकल प्रवासही केला.

आणखी वाचा

वडील तिसरी उत्तीर्ण तर आई निरक्षर, मुलगा शास्त्रज्ञ झाला, आता परदेशी शिक्षणासाठी निवड

…तर औषधाची गरजच नाही! वाचा निरोगी आयुष्य जगण्यासाठी…

अल्पवयीन चालकाचे टेम्पोवरील नियंत्रण सुटल्याने दोन रिक्षांना धडक

नागपूर : अपघातग्रस्ताची ओळख करून देणार ‘क्यू आर कोड’, तात्काळ उपचारासाठी…

पडसाद : रमेश मंत्री यांची निवड त्यांच्या साहित्यिक कारकीर्दीच्या आधारेच!

अकोला : मनोरुग्णाकडून वडिलांची हत्या, घरातच केले डोक्यावर वार

एकनाथ शिंदे यांच्या कालखंडात काही चुकीच्या गोष्टी घडल्या; वनमंत्री गणेश नाईक यांचे विधान

डोंबिवली रेल्वे स्थानकात जाहिरात फलकांमुळे इंडिकेटर दिसत नसल्याने प्रवाशांमध्ये नाराजी

हेही वाचा…पीएमआरडीएचा आपत्कालीन विभाग सक्रिय.. तीन पथके, दोन रबर बोटी, रेस्क्यु उपकरणासह मदतीसाठी रवाना

सिंहगड पायथ्याला गेल्यानंतर त्याने सिंहगड ट्रेकही केला आणि पुन्हा सिंहगड पायथा ते हडपसर असा सायकलवर प्रवास केला. या सायकल प्रवासामुळे तो पंढरपूरची सायकल वारी व्यवस्थित करू शकेल, असा विश्वास सुमेधच्या वडिलांना वाटला. वारीसाठी हे सायकलवीर पहाटे तीन वाजता हडपसर येथून निघाले. हडपसरवरून निघाल्यानंतर पुढे यवतमध्ये आल्यावर अल्पशी न्याहरी आणि नंतर थेट पाटसपर्यंत सायकल रपेट त्यांनी केली. पाटसमध्ये थोडी विश्रांती घेऊन पुढे भिगवण व तेथून इंदापूरला जेवण, असे थांबे करत ही वारी चालली होती. प्रत्येक थांब्यांवर थांबल्यानंतर स्नायूंना आराम देण्यासाठी हे सायकलवीर ‘स्ट्रेचिंग’ करायचे. इंदापूरमध्ये जेवण झाल्यानंतर थोडा आराम करून त्यांनी पुढे टेंभुर्णीमध्ये थांबा घेतला. टेंभुर्णीत ही मंडळी पोहोचत असतानाच पावसाला सुरुवात झाली आणि त्या पावसात २० किलोमीटरचा सायकलप्रवास करत ते सायंकाळी सहा वाजता पंढरपूर येथे पोहोचले. चढ-उतारांच्या रस्त्यांवरून सायकल चालविण्याचा वेगळा अनुभव मिळाल्याचे या सायकलवीरांनी आवर्जून नमूद केले.

हेही वाचा…दहावी, बारावीच्या पुरवणी परीक्षेतील उद्याचा पेपर लांबणीवर

पर्यावरण संवर्धन व शरीरस्वास्थ्याचा संदेश सायकल वारीतून पर्यावरण संवर्धन आणि शारीरिक स्वास्थ्याचा संदेश देण्याचा उद्देश डोळ्यांसमोर ठेवून या सायकलवीरांनी ‘भक्तिभावाची किमया न्यारी, सायकलवर पंढरीची वारी’ असे घोषवाक्यही तयार केले. सायकल चालवण्याने प्रदूषण कमी होण्यास जसा हातभार लागू शकतो, तसेच शरीरस्वास्थ्यदेखील उत्तम राहू शकते, असा संदेश त्यांनी या सायकल वारीच्या निमित्ताने दिला.

shriram.oak@expressindia.com