बालदिनी अनर्थ टळला, अंगणवाडीत आग, शिक्षकामुळे विद्यार्थी सुखरुप

बिबवेवाडीतील तीन हत्ती चौकातील विष्णू उर्फ आप्पा जगताप क्रीडा संकुलात एकात्मिक बालविकास योजनेअंतर्गत सुरु असलेल्या अंगणवाडी क्र. १३९ मध्ये बुधवारी सकाळी साडे अकराच्या सुमारास आग लागली. शॉर्ट सर्किटमुळे आग लागल्याचा प्राथमिक अंदाज आहे. आग लागल्याचे समजताच शिक्षकांनी सर्व विद्यार्थ्यांना वर्गाबाहेर नेले आणि मोठा अनर्थ टळला. या आगीत अंगणवाडीतील सर्व कागदपत्रे जळून खाक झाली आहेत. आग लागली त्यावेळी तिथे दहा विद्यार्थी उपस्थित होते.