पुणे : दिवाळीत ६० ठिकाणी आग लागण्याच्या घटना घडल्या. बहुतांश ठिकाणी फटाक्यांमुळे आग लागण्याच्या घटना घडल्या आहेत. सुदैवाने आगीच्या घटनांमध्ये कोणी गंभीर जखमी झाले नाही.
दिवाळी शहर, तसेच उपनगरात आग लागण्याच्या घटना घडतात. यापार्श्वभूमीवर अग्निशमन दलाकडून यंदा ‘सुरक्षित दिवाळी, आनंदी दिवाळी’ मोहिम राबविण्यात आली. अग्निशमन दलाच्या जवानांकडून ध्वनीवर्धकावरुन शहराच्या वेगवेगळ्या भागात नागरिकांनी सुरक्षित दिवाळी साजरी करण्याचे आवाहन करण्यात आले. दिवाळीत लक्ष्मीपूजनाच्या दिवशी सर्वाधिक आग लागण्याच्या घटना घडल्या. लक्ष्मीपूजनाच्या दिवशी शुक्रवारी (१ नोव्हेंबर) सायंकाळी सात ते मध्यरात्रीपर्यंत शहराच्या वेगवेगळ्या भागात ३६ ठिकाणी आग लागण्याच्या घटना घडल्या. पाडव्याच्या दिवशी शहरात १४ ठिकाणी, तसेच भाऊबीजेच्या दिवशी फटाक्यामुळे ४ ठिकाणी आग लागण्याच्या घटना घडल्या. दिवाळी सुरु झाल्यानंतर शहर, तसेच परिसरात एकूण मिळून ६० ठिकाणी आग लागण्याच्या घटना घडल्या. सुदैवाने या घटनेत कोणी जखमी झाले नाही, अशी माहिती अग्निशमन दलाच्या मुख्य नियंत्रण कक्षाकडून देण्यात आली.
हेही वाचा – दिव्यांग अपक्ष उमेदवाराने ‘या’ कारणामुळे निवडणूक निर्णय अधिकाऱ्यांची गाडी पेटवून दिली
हेही वाचा – पिंपरी-चिंचवड, मावळमधील लढतीचे चित्र स्पष्ट; ‘अशा’ होणार लढती
दिवाळीत आगीच्या घटना
वर्ष – आगीच्या घटना
२०२१ – २१
२०२२ – १९
२०२३ – ३५
२०२४ – ६०
