पुणे: विसर्जन मिरवणुकीत आदेश धुडकावून घातक लेझर झोत आणि ध्वनीवर्धकाचा वापर

पुणे: विसर्जन मिरवणुकीत घातक लेझर दिवे आणि उच्च क्षमतेच्या ध्वनीवर्धक यंत्रणेचा वापर करणाऱ्या मंडळांवर पोलीस आयुक्त अमितेश कुमार यांनी कारवाईचा इशारा दिला होता. अनेक मंडळांनी पोलिसांचे आदेश धुडकावून लेझर झोत आणि ध्वनीवर्धक यंत्रणेचा वापर केल्याचे दिसून आले. विसर्जन मिरवणुकीत लेझर झोत आणि आणि ध्वनीवर्तक यंत्रणेचा वापर करणाऱ्या मंडळांविरुद्ध कारवाईचा इशारा देण्यात आला. सोमवारी रात्रीपासूनच मंडळांनी मिरवणुकीची तयारी सुरू केली. अनेक मंडळांनी लोखंडी सांगाडे उभे करून लेझर दिवे आणि ध्वनीवर्धक यंत्रणा लावली. लक्ष्मी रस्ता, कुमठेकर रस्ता, केळकर रस्ता, टिळक रस्त्यावरून जाणाऱ्या बहुतांश सर्व मंडळांनी पोलिसांच्या आदेश धडकावून लेझर दिव्यांचा वापर केल्याचे दिसून आले. उपनगरातही ही परिस्थिती होती. दणदणाटामुळे नागरिकांना त्रास झाला.