पुणे : खडकीतील पीएमपी स्थानकात टोळक्याची दहशत; बसवर दगडफेक चालकासह नियंत्रकाला मारहाण

वैभव पांडुरंग आगलावे, यश प्रवीण गोपनारायण (दोघे रा. महादेववाडी, खडकी), यश चांदणे, हर्षद चांदणे, प्रणव काळे, शुभम आगलावे, तरंग परदेशी, आनंद साळुंखे, मल्हार अवघडे अशी गुन्हा दाखल करण्यात आलेल्यांची नावे आहेत. या प्रकरणी आरोपी गोपनारायणला अटक करण्यात आली आहे. पीएमपी चालक रामलिंग हरिभाऊ बेडके (वय ४१, रा. वाल्हेकरवाडी, चिंचवड) यांनी या संदर्भात खडकी पोलीस ठाण्यात फिर्याद दिली आहे. खडकी बाजारातील पीएमपी स्थानक परिसरात आरोपी थांबले होते. आरोपी मोठमोठ्या आवाजात बोलत होते तसेच एकमेकांना शिवीगाळ करत होते. पीएमपी स्थानकात गोंधळ घालणाऱ्या आरोपींनी पीएमपी चालक बेडके यांनी समजावून सांगितले.