पुणे: गोळीबार मैदान चौकातील कोंडी सोडविण्यासाठी वाहतूक बदल

पुणे : गोळीबार मैदान चौकातील कोंडी सोडविण्यासाठी वाहतूक पोलिसांकडून बुधवारपासून (२७ नोव्हेंबर) प्रायोगिक तत्त्वावर वाहतूक बदल करण्यात येणार आहेत. पुणे-सोलापूर रस्त्यावरील गोळीबार मैदान चौक अरुंद आहे. या भागात वाहतूक कोंडी होते. कोंडी सोडविण्यासाठी या भागातील वाहतूक व्यवस्थेत बुधवारपासून तात्पुरते बदल करण्यात येणार आहेत, अशी माहिती वाहतूक शाखेचे पोलीस उपायुक्त अमोल झेंडे यांनी दिली.