हिंजवडीत संगणक अभियंता तरुणीचा आंघोळ करताना काढला व्हिडियो

पोलिसांनी दिलेल्या माहितीनुसार, मूळ भोपाळची असलेली संगणक अभियंता तरुणी हिंजवडी येथील एका इमारतीत वास्तव्यास होती. त्याठिकाणी आरोपी भुजंग नारायण मगर हा खिडकी दुरुस्तीचे काम करायचा. मागील आठवड्यात शुक्रवारी साडेचारच्या सुमारास तरुणी राहात असलेल्या रूमच्या बाथरूममध्ये आंघोळ करत होती. तेव्हा आरोपी हा खिडकीच्या पलीकडे काहीतरी काम करत होता. त्याचवेळी संधी साधत या भुजंग याने आपल्या मोबाईलमध्ये चोरून तरुणीचा आंघोळ करतानाचा व्हिडियो काढला.

अशाप्रकारे आपला व्हिडियो काढला जात असल्याचे तरुणीला लक्षात येताच तिने त्याच्याविरोधात हिंजवडी पोलिसात फिर्याद दिली. याप्रकरणी पोलिसांनी गुन्हा दाखल केला असून त्याला त्वरीत ताब्यात घेतले. काही दिवसांच्या पोलीस कोठडीनंतर आता आरोपीची जामिनावर सुटका झाली आहे. या घटनेचा तपास महिला पोलीस उपनिरीक्षक कविता रुपनर या करत असून त्यांनी याबाबतची विस्तृत माहिती दिली.