पुण्यातील जुना बाजार येथील मुख्य शाहीर अमर शेख चौकात होर्डिंगचा सांगाडा कोसळून मोठा अपघात झाला होता. यामध्ये मृत्यू पावलेल्या व्यक्तींना शनिवारी राष्ट्रवादी काँग्रेसच्यावतीने घटनास्थळी मेणबत्या पेटवून श्रद्धांजली वाहण्यात आली.
राष्ट्रवादी काँग्रेसच्या कॅन्टोमेंट विधानसभा मतदार संघाच्या कार्यकर्त्यांकडून मेणबत्त्या लावून श्रद्धांजली वाहण्यात आली. यावेळी राष्ट्रवादी काँग्रेसचे शहर अध्यक्ष चेतन तुपे यांच्यासह पक्षाचे अनेक कार्यकर्ते उपस्थित होते. तसेच परिसरातील नागरिक रस्त्यावरून जाणाऱे लोक त्याचबरोबर या चौकात वाहतूक नियमनाचे काम करणारे पोलीस कर्मचारी आणि अधिकाऱ्यांनी देखील येथे मेणबत्त्या लावून मृतांना श्रद्धांजली वाहिली.
