पुणे: पतीने केली प्रेयसीची हत्या; पत्नीने आणि मेहुण्याने मृतदेहाची लावली विल्हेवाट

पोलिसांनी दिलेल्या माहितीनुसार, दिनेश ठोंबरे आणि खून झालेली जयश्री गेल्या पाच वर्षांपासून लिव्ह अँड रिलेशनशिपमध्ये राहत होते. त्यांना अडीच वर्षाचा ‘शिव’ नावाचा मुलगा देखील आहे. जयश्री गेल्या काही दिवसांपासून वेगळं राहायचं तगादा लावत होती. सतत पैशाची मागणी करत होती. जयश्रीला दिनेशच्या पत्नीसोबत भेटून बोलायचं म्हणत होती. अखेर २४ नोव्हेंबर रोजी म्हणजेच रविवारी रात्री नऊच्या सुमारास दिनेशची पत्नी पल्लवी आणि जयश्री अडीच वर्षीय मुलासह भुमकर चौकात भेटले. दरम्यान, भर रस्त्यावर जयश्रीने प्रियकर दिनेशशी वाद घालण्यास सुरुवात केली. हा वाद चारचाकी गाडीत बसून मिटवण्याचा दिनेशने प्रयत्न केला. परंतु, प्रेयसी जयश्री मोरे ही ऐकण्याच्या मनस्थितीत नव्हती. प्रियकर दिनेश ठोंबरे याने पत्नी आणि अडीच वर्षीय शिव समोरच प्रेयसीच्या डोक्यात हातोडा घालून हत्या केली.

आणखी वाचा

इंस्टाग्रामवरील पोस्ट ! एकाचा खून आणि दोन बंधू पोलीस कोठडीत,

Delhi Assembly Election: पराभव ‘आप’चा, धक्का उद्धव ठाकरे…

गडचिरोली : खळबळजनक! झोपलेल्या पत्नीला दिला विजेचा ‘शॉक’…

Alimony : पत्नीला पाच लाखांची पोटगी देणं टाळण्यासाठी तरुणाचं भयंकर कृत्य, पत्नीला चंडी देवीच्या दर्शनाला नेलं अन् काढला काटा

वडिलांच्या हत्येतील आरोपीला जामीन; आरोपीच्या भविष्याच्या दृष्टीने उच्च न्यायालयाचा निर्णय

शिर्डीत साई संस्थानच्या दोन कर्मचाऱ्यांची हत्या; एक जखमी ; लुटमारीचा संशय, संशयीत ताब्यात

घरफोडीतील आरोपी टी-शर्टच्या आधारे ओळखून पकडला

Crime News : आतडे फाडले अन् हवेत… आईच्या प्रियकराची भावंडांकडून क्रूर हत्या

हेही वाचा – G D Madgulkar Award : आशा काळे यांना गदिमा पुरस्कार जाहीर

मृतदेहाची विल्हेवाट लावण्यासाठी पत्नी पल्लवीने मेहुणा अविनाश टिळेला फोन करून बोलवून घेतलं. दिनेश आपल्या पत्नी, मेहुणा आणि अडीच वर्षीय शिवसह चारचाकी गाडीतून साताऱ्यातील खंबाटकी घाटात गेले. त्या ठिकाणी जयश्री मोरेचा मृतदेह फेकून देण्यात आला. दुसऱ्या दिवशी २५ नोव्हेंबर रोजी अडीच वर्षीय शिवला आरोपी दिनेश ठोंबरे आणि पल्लवीने आळंदीतील कार्तिकी यात्रेत बेवारस सोडून दिलं. दरम्यान, शिव पोलिसांना सापडला आणि त्यानंतर हे सर्व प्रकरण उघडकीस येण्यास सुरुवात झाली.

हेही वाचा – सराइतांकडून १४ लाखांच्या मेफेड्रोनसह पिस्तूल जप्त, शुक्रवार पेठेत गुन्हे शाखेची कारवाई

लिव्ह अँड रिलेशनशिपमध्ये राहणाऱ्या जयश्री मोरे ही बेपत्ता असल्याची तक्रार वाकड पोलीस ठाण्यात दिली आणि ती बेपत्ता असल्याचा बनाव दिनेशने रचला. परंतु, काही तासांनीच जयश्री मोरेचा मृतदेह साताऱ्यातील पोलिसांना मिळाला आणि दिनेशचे बिंग फुटलं. वाकड पोलिसांना हे सर्व प्रकरण समजल्यानंतर पोलिसांनी तपासाची चक्रे वेगाने फिरवत आरोपी दिनेश ठोंबरे यांच्यासह पत्नी पल्लवी ठोंबरे आणि मेहुना अविनाश टिळे याला अटक केली.