पुणे : पुणे मेट्रोच्या रुबी हॉल ते रामवाडी या विस्तारित मार्गाला प्रवाशांचा चांगला प्रतिसाद मिळत आहे. या विस्तारित मार्गामुळे मेट्रोच्या प्रवासी संख्येत २० हजारांची वाढ झाली आहे. यामुळे मेट्रोची एकूण दैनंदिन प्रवासी संख्या सरासरी ८० हजारांवर पोहोचली आहे. या मार्गावरील येरवडा स्थानक अद्याप सुरू झाले नसून ते सुरू झाल्यानंतर प्रवासी संख्येत आणखी वाढ होणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रुबी हॉल ते रामवाडी या विस्तारित मेट्रो मार्गाचे उद्घाटन पंतप्रधान नरेंद्र मोदी यांनी दूरदृश्य प्रणालीद्वारे ६ मार्चला केले. मेट्रोची दैनंदिन प्रवासी संख्या आधी सुमारे ६० हजार होती. रामवाडीपर्यंत विस्तारित मार्ग सुरू झाल्यानंतर दैनंदिन प्रवासी संख्या ८० हजारांवर पोहोचली आहे. विस्तारित मार्ग सुरू होण्याआधी मेट्रोचे दैनंदिन उत्पन्न सुमारे १० लाख रुपये होते. आता मेट्रोचे दैनंदिन उत्पन्न १२ लाख ५० हजार रुपयांवर पोहोचले आहे.

आणखी वाचा

हेही वाचा…शरद पवार गटाचा ‘एक देश एक निवडणूक’ला विरोध; लोकसभा निवडणुकीच्या पार्श्वभूमीवर ‘शपथनामा’ प्रसिद्ध

रुबी हॉल ते रामवाडी या विस्तारित मेट्रो मार्गावर बंडगार्डन, येरवडा, कल्याणीनगर आणि रामवाडी ही स्थानके आहेत. हा मार्ग ५.५ किलोमीटरचा आहे. या मार्गावरील येरवडा स्थानकाच्या प्रवेशद्वाराचा एक जीना नगर रस्त्यात येत असल्याने महापालिकेने तो दुसरीकडे हलविण्यास सांगितले होते. त्यानुसार महामेट्रोकडून जीना दुसरीकडे करण्याचे काम सुरू झाले आहे. त्यामुळे या मार्गावरील सेवेतून येरवडा स्थानक सध्या वगळण्याचा निर्णय घेण्यात आला आहे. लवकरच हे स्थानक सुरू केले जाणार आहे.

मेट्रोला प्रवाशांचा प्रतिसाद

सरासरी दैनंदिन प्रवासी – ८० हजार
सरासरी दैनंदिन उत्पन्न – १२ लाख ५० हजार रुपये

हेही वाचा…मावळमध्ये ३८ जणांचे अर्ज दाखल; ‘संजोग, वाघेरे’ नामसाधर्म्य असलेले दोन उमेदवार रिंगणात

तिकीट खिडकीवर सुटे पैसे मिळेनात

मेट्रोच्या तिकीट खिडकीवर तिकीट काढल्यानंतर सुटे पैसे परत दिले जात नसल्याचा अनुभव काही प्रवाशांनी मांडला आहे. प्रगती सांगळे नावाच्या तरुणीने १८ रुपयांचे तिकीट काढण्यासाठी ५० रुपये दिले होते. तिला ३० रुपये परत देण्यात आले. तिने २ रुपयांची मागणी केली. मात्र सुटे पैसे नसल्याचे कारण देण्यात आले. याबाबतचा व्हिडीओ तिने समाजमाध्यमावर टाकला आहे. त्यावर अनेक प्रवाशांनी असाच अनुभव आल्याचे म्हटले आहे.

रुबी हॉल ते रामवाडी या विस्तारित मेट्रो मार्गाचे उद्घाटन पंतप्रधान नरेंद्र मोदी यांनी दूरदृश्य प्रणालीद्वारे ६ मार्चला केले. मेट्रोची दैनंदिन प्रवासी संख्या आधी सुमारे ६० हजार होती. रामवाडीपर्यंत विस्तारित मार्ग सुरू झाल्यानंतर दैनंदिन प्रवासी संख्या ८० हजारांवर पोहोचली आहे. विस्तारित मार्ग सुरू होण्याआधी मेट्रोचे दैनंदिन उत्पन्न सुमारे १० लाख रुपये होते. आता मेट्रोचे दैनंदिन उत्पन्न १२ लाख ५० हजार रुपयांवर पोहोचले आहे.

आणखी वाचा

हेही वाचा…शरद पवार गटाचा ‘एक देश एक निवडणूक’ला विरोध; लोकसभा निवडणुकीच्या पार्श्वभूमीवर ‘शपथनामा’ प्रसिद्ध

रुबी हॉल ते रामवाडी या विस्तारित मेट्रो मार्गावर बंडगार्डन, येरवडा, कल्याणीनगर आणि रामवाडी ही स्थानके आहेत. हा मार्ग ५.५ किलोमीटरचा आहे. या मार्गावरील येरवडा स्थानकाच्या प्रवेशद्वाराचा एक जीना नगर रस्त्यात येत असल्याने महापालिकेने तो दुसरीकडे हलविण्यास सांगितले होते. त्यानुसार महामेट्रोकडून जीना दुसरीकडे करण्याचे काम सुरू झाले आहे. त्यामुळे या मार्गावरील सेवेतून येरवडा स्थानक सध्या वगळण्याचा निर्णय घेण्यात आला आहे. लवकरच हे स्थानक सुरू केले जाणार आहे.

मेट्रोला प्रवाशांचा प्रतिसाद

सरासरी दैनंदिन प्रवासी – ८० हजार
सरासरी दैनंदिन उत्पन्न – १२ लाख ५० हजार रुपये

हेही वाचा…मावळमध्ये ३८ जणांचे अर्ज दाखल; ‘संजोग, वाघेरे’ नामसाधर्म्य असलेले दोन उमेदवार रिंगणात

तिकीट खिडकीवर सुटे पैसे मिळेनात

मेट्रोच्या तिकीट खिडकीवर तिकीट काढल्यानंतर सुटे पैसे परत दिले जात नसल्याचा अनुभव काही प्रवाशांनी मांडला आहे. प्रगती सांगळे नावाच्या तरुणीने १८ रुपयांचे तिकीट काढण्यासाठी ५० रुपये दिले होते. तिला ३० रुपये परत देण्यात आले. तिने २ रुपयांची मागणी केली. मात्र सुटे पैसे नसल्याचे कारण देण्यात आले. याबाबतचा व्हिडीओ तिने समाजमाध्यमावर टाकला आहे. त्यावर अनेक प्रवाशांनी असाच अनुभव आल्याचे म्हटले आहे.