पुणेकरांसाठी खुशखबर! स्वारगेट ते कात्रज भुयारी रेल्वे प्रकल्पाला मंत्रिमंडळाची मंजुरी!

वाहतूक कोंडी टळणार!

स्वारगेट ते कात्रज (कॉरिडोर-२ अ) या ५.४६४ कि.मी. लांबीच्या मार्गावर ३ स्थानके असतील. पुणे शहरातील स्वारगेट व कात्रज प्रमुख उपनगरे असून त्यादरम्यान गुलटेकडी, पद्मावती, मार्केट यार्ड, बिबवेवाडी, धनकवडी, बालाजीनगर, साईबाबानगर, आंबेगाव अशी महत्वाची ठिकाणे आहेत. या परिसरातील वांरवार होणारी वाहतुकीची कोंडी टळून रस्त्यावरील दुर्घटना, प्रदूषण, इंधन खर्च, प्रवास कालावधी यामध्ये मेट्रोमुळे बचत होणार आहे. पुणे व पिंपरी-चिंचवड शहरातील प्रवाशांना वातानुकूलित, सुरक्षित, आरामदायक प्रवासासाठी स्वारगेट ते कात्रज ही भुयारी मेट्रो रेल्वे मार्गिका उपयोगी ठरणार आहे.

आणखी वाचा

मतमोजणी केंद्र परिसरात प्रतिबंधात्मक आदेश लागू, कोरेगाव पार्क भागात वाहतूक बदल

भोसरीमध्ये वारं फिरलं! शरद पवारांच्या अजित गव्हाणेंचं पारडं…

अनधिकृत बांधकामप्रकरणी ‘पीएमआरडीए’कडून गुन्हा दाखल

‘महानिर्वाण’ने गाठली पन्नाशीची उमर

वानवडीतील भैरोबानाला परिसरात नऊ वाहनांची तोडफोड; कोयते उगारुन टोळक्याची दहशत

अमोल पालेकर यांच्या कला कारकिर्दीचा ‘ऐवज’ वाचकांच्या हाती

या गावातील कागदपत्रे तातडीने हस्तांतरित करा, पालिकेला राज्य सरकारने का दिला आदेश?

मावळमध्ये प्रसिद्ध बैलगाडा मालकाची ५० लाखांच्या खंडणीसाठी हत्या; नेमकं प्रकरण काय?

वाढीव मतदानाचा ‘लाभार्थी’ कोण?

कुठून उभे राहणार ३ हजार ६६८ कोटी?

या प्रकल्पासाठी शासनाकडून अनुदान स्वरूपात ४५० कोटी ९५ लाख आणि केंद्र व राज्य शासनाचे कर, शुल्क यावरील खर्चासाठी बिनव्याजी दुय्यम कर्ज स्वरूपात ४४० कोटी ३२ लाख रुपये असा एकूण ८९१ कोटी २७ लाख रुपयांचा निधी उपलब्ध करून देण्यास मान्यता देण्यात आली. पुणे महानगरपालिकेकडून ६५५ कोटी ९ लाख रुपयांचे वित्तीय सहाय्य महामेट्रोला उपलब्ध करून देण्यात येणार आहे. तसेच प्रकल्पासाठी केंद्र शासनाकडून ३०० कोटी ६३ लाख रुपयांचे अनुदान मिळावे यासाठी विनंती करण्यात येणार आहे. द्विपक्षीय/बहुपक्षीय वित्तीय संस्थेमार्फत १८०३ कोटी ७९ लाख रुपयांचे अल्प व्याज दराचे कर्ज घेण्यास, या कर्जाचा कोणताही भार राज्य शासनावर येणार नाही या अटीवर, महामेट्रो यांना प्राधिकृत करण्यास मान्यता देण्यात आली.