देशसेवेसाठी आव्हानात्मक मार्गांचा अवलंब करा – हवाई दल प्रमुख अमर प्रीत सिंग

राष्ट्रीय संरक्षण प्रबोधिनीच्या १४७ व्यां तुकडीचा दीक्षान्त संचलन सोहळा आज खेत्रपल मैदानावर दिमाखात पार पडला. त्यावेळी ते बोलत होते. एअर व्हाइस मार्शल सरताज बेदी, एनडीएचे प्रमुख व्हाइस ॲडमिरल गुरुचरणसिंह, दक्षिणी मुख्यालयाचे प्रमुख जनरल धीरज सेठ या वेळी उपस्थित होते. पहाटेच्या रम्य वातावरणात बिगुल वाजल्यानंतर विविध सुरावटींवर संचलन करत लष्करी बँडचे खेत्रपाल मैदानावर आगमन झाले. त्यानंतर हवाई दल प्रमुखांनी संचलनाचा आढावा घेतला.

हेही वाचा : पुरंदर विमानतळाची ‘समृद्धी’च्या दिशेने पाऊले

देशसेवेचे स्वप्न उराशी बाळगून राष्ट्रीय संरक्षण प्रबोधिनीतील खडतर प्रशिक्षण पूर्ण करून छात्रांनी केलेल्या दिमाखदार संचलनाला चेतक हेलिकॉप्टर, सुखोई यासह पी ८ आय पोसायडन या लढाऊ विमानाने पहिल्यांदाच सलामी दिली. अंकित चौधरी या छात्राने संचलनाचे नेतृत्व केले. या संचलनात क्युबेक या महिलांचे पथकही सहभागी झाले होते.

हेही वाचा : अबब् ! २०० सरकारी कर्मचाऱ्यांवर कारवाई… सरकारी कार्यालयात सांभाळून जा

हवाई दल प्रमुखांनी छात्रांना संबोधित करत पुढील वाटचालीसाठी शुभेच्छा दिल्या. तसेच तिन्ही वर्षांत सर्वोत्तम कामगिरी करणाऱ्या अंकित चौधरी यांना राष्ट्रपती सुवर्ण पदक, युवराजसिंग चौहान यांना रौप्य पदक, जोधा थोंगजय मयो यांना कांस्य पदक प्रदान करण्यात आले.