Latest News in Pune Today : डेक्कन जिमखाना परिसरातील बाबा भिडे पूल वाहतुकीसाठी सोमवारपासून (२१ एप्रिल) बंद करण्यात येणार आहे. मेट्रो स्थानकाला जोडणाऱ्या पुलाच्या कामानिमित्त दीड महिने भिडे पूल परिसरातील वाहतूक बंद ठेवण्यात येणार आहे. या भागातील वाहतूक पर्यायी मार्गाने वळविण्यात येणार आहे. काँग्रेसचे भोरचे माजी आमदार संग्राम थोपटे यांचा भाजपप्रवेश निश्चित झाला आहे. मुख्यमंत्री देवेंद्र फडणवीस, राज्याचे उच्च आणि तंत्र शिक्षणमंत्री चंद्रकांत पाटील यांच्या उपस्थितीत येत्या मंगळवारी (२२ एप्रिल) थोपटे यांचा पक्षप्रवेश होणार आहे. पुणे शहर, पिंपरी चिंचवड, मावळ तसंच पुणे जिल्ह्यातील विविध क्षेत्रातील घडामोडींची माहिती या live blog च्या माध्यमातून मिळेल.
Pune Maharashtra News, 21 April 2025
शेतकऱ्यांनी ‘चुना’ लावल्याने जुनी एक रुपयात पीक विमा योजना बंद, निकषात बदल करून नव्याने योजना; अजित पवार यांंची माहिती
कृषी क्षेत्रासाठी ‘एआय’ धोरणात सहा पिकांचा समावेश, अजित पवार यांची माहिती
‘पिंक ई- रिक्षा’ला लवकरच पूरक सेवेचा दर्जा - अजित पवार यांची ग्वाही
एमपीएससीचा मोठा निर्णय… दिव्यांगत्त्वाचा तपशील विधिग्राह्य नसल्यास पदभरतीमध्ये अर्ज करण्यास मनाई!
सोसायटीच्या अध्यक्षांकडून लाच घेणारे तीन पोलीस कर्मचारी निलंबित
बीड तरुणीची आत्महत्या प्रकरण : आरोपीला कडक शासन करण्याच्या सूचना
मुंबई-पुणे महामार्गावर ट्रकच्या धडकेत पुण्यातील तिघांचा मृत्यू - अपघातात १४ जण जखमी
पिंपरी : बचत गटांमार्फत मालमत्ता करांच्या बिलांचे वाटप, 'या' तारखेपर्यंत कर भरल्यास दहा टक्के सवलत
‘पीएमपी’त आता वाहकही कंत्राटी, दोन हजार चालक आणि वाहक कंत्राटी पद्धतीने भरण्यास सहमती
साहित्य समीक्षा गटातटामध्ये विभागलेली - प्रा. मिलिंद जोशी यांचे मत
शिवनेरीवर मधमाश्यांच्या हल्ल्यात पाच बालकांसह १६ पर्यटक जखमी
देशातील वैद्यकीय व्यवस्थेत बदलाची गरज, डॉ. अनंत फडके यांचे मत
रोहन सुरवसे यांचा राजीनामा
पुणे : काँग्रेसचे माजी आमदार रवींद्र धंगेकर आणि संग्राम थोपटे यांच्या राजीनाम्यानंतर महाराष्ट्र प्रदेश युवक काँग्रेसचे सरचिटणीस रोहन सुरवसे-पाटील यांनी पक्षाचा राजीनामा दिला आहे. प्रदेशाध्यक्ष हर्षवर्धन सपकाळ यांच्याकडे त्यांनी राजीनामा दिला आहे. पक्षांतर्गत गटबाजीमुळेच हा निर्णय घेतल्याचे सुरवसे यांनी सांगितले.‘सरचिटणीस म्हणून काम करताना विचारधारेला प्रमाण मानून काम केले. गटातटाच्या राजकारणात पडलो नाही. पक्षकार्यातही सक्रिय राहिलो. काँग्रेस सर्वसामान्यांना आपला पक्ष वाटतो. मात्र, संघटनेतील अनेक बाबी माझ्यासारख्या कार्यकर्त्याला पटल्या नाहीत. पक्ष अडचणीतून जात आहे. या परिस्थितीत माझ्यासारख्या कार्यकर्त्याला पक्ष सोडण्याचा निर्णय का घ्यावा लागतो, याचा विचार पक्षाच्या नेत्यांनी करणे आवश्यक आहे,’ असे सुरवसे-पाटील यांनी प्रदेशाध्यक्ष हर्षवर्धन सपकाळ यांना दिलेल्या राजीनामा पत्रात नमूद करण्यात आले आहे.
भिडे पूल परिसरातील वाहतूक आजपासून पर्यायी मार्गाने, मेट्रो पुलाच्या कामानिमित्त वाहतूक बदल
डेक्कन जिमखाना परिसरातील बाबा भिडे पूल वाहतुकीसाठी सोमवारपासून (२१ एप्रिल) बंद करण्यात येणार आहे. मेट्रो स्थानकाला जोडणाऱ्या पुलाच्या कामानिमित्त दीड महिने भिडे पूल परिसरातील वाहतूक बंद ठेवण्यात येणार आहे. या भागातील वाहतूक पर्यायी मार्गाने वळविण्यात येणार आहे.
कर्जबाजारी झाल्याने सराफाचा दरोड्याचा बनाव, धायरीतील सराफी पेढीवर दरोडा प्रकरणाला वेगळे वळण
सिंहगड रस्त्यावरील धायरी परिसरात एका सराफी पेढीवर खेळण्यातील पिस्तुलाच्या धाकाने दरोडा टाकून दागिने लूट प्रकरणाला वेगळे वळण लागले आहे. याप्रकरणात गुन्हे शाखेने दोन जणांना अटक केली होती.
माजी आमदार संग्राम थोपटे यांचा भाजपप्रवेश निश्चित, सतत डावलल्याने निर्णय
काँग्रेसचे भोरचे माजी आमदार संग्राम थोपटे यांचा भाजपप्रवेश निश्चित झाला आहे. मुख्यमंत्री देवेंद्र फडणवीस, राज्याचे उच्च आणि तंत्र शिक्षणमंत्री चंद्रकांत पाटील यांच्या उपस्थितीत येत्या मंगळवारी (२२ एप्रिल) थोपटे यांचा पक्षप्रवेश होणार आहे.
पुणे न्यूज लाईव्ह अपडेट्स ( Express File image )
