पुणे : विद्यापीठातर्फे ६ नोव्हेंबरला पीएच.डी. प्रवेश परीक्षा

हेही वाचा >>> पुणे : महापालिका प्रशासकपदाची जबाबदारी सौरभ राव यांच्याकडे ?

विद्यापीठाने पेट परीक्षेचे परिपत्रक गुरुवारी प्रसिद्ध केले. त्यामुळे परीक्षेच्या प्रतीक्षेत असलेल्या उमेदवारांना दिलासा मिळाला आहे. विद्यापीठाच्या परिपत्रकानुसार शंभर गुणांची परीक्षा असेल. परीक्षेतील उत्तीर्ण उमेदवारांची मुलाखत घेऊन निवड यादी प्रसिद्ध करण्यात येणार आहे. एम.फिल., नेट, पेट २०२१ अशा परीक्षा उत्तीर्ण उमेदवारांना ही परीक्षा न देण्याची सवलत दिली जाईल. उमेदवारांना अर्जासोबतच कागदपत्रे अपलोड करावी लागतील. या परीक्षेचा निकाल १० नोव्हेंबरला प्रसिद्ध होण्याची शक्यता आहे. परीक्षेबाबात अधिक माहिती उमेदवारांना https://bcud.unipune.ac.in/ या संकेतस्थळावर उपलब्ध करण्यात आली आहे.