पुण्यातील जुगार अड्ड्यावर पोलिसांची मोठी कारवाई, २२ जणांविरोधात गुन्हा दाखल

पोलिसांनी जुगार अड्ड्याचा मालक बाळू सीताराम मराठे (वय ५१, रा. भुसारी कॉलनी, कोथरुड), जुगार अड्ड्यासाठी जागा उपलब्ध करून देणारा इमारत मालक बाळासाहेब दांगट (रा. शिवणे, एनडीए रस्ता) यांच्यासह २२ जणांविरोधात गुन्हा दाखल केला आहे. गुप्त माहितीच्या आधारे पोलिसांनी ही कारवाई केली आहे.

आणखी वाचा

पुणे : शहरात लुटमारीचे प्रकार वाढीस, दुचाकीस्वार तरुणांना लुटले

Devendra Fadnavis Income : उपमुख्यमंत्र्यांची एकूण संपत्ती किती?…

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

बेकायदा गृहप्रकल्प राबवणाऱ्यांवर कारवाई गरजेची; विकासकांना जामीन नाकारताना उच्च न्यायालयाची टिप्पणी

सुनेला टीव्ही पाहू न देणे ही क्रूरता? मुंबई उच्च न्यायालयातील खटला २० वर्षांनी निकाली

आचारसंहिता भरारी पथकाचीच खंडणीखोरी, शेतमालाच्या पैशांवर डल्ला, १३ दिवसांनंतर गुन्हा दाखल

मंत्री सत्तार यांच्या संस्थेच्या २३ मुख्याध्यापकांविरुद्ध गुन्हा, निवडणूक कामात हलगर्जीपणा

कल्याणीनगर अपघात प्रकरणात शरण आलेल्या आरोपीला पोलीस कोठडी

एनडीए रस्त्यावरील दांगट पाटील नगर परिसरातील एका बांधकाम सुरू असलेल्या इमारतीच्या तळघरात अहोरात्र जुगार अड्डा सुरू असल्याची माहिती गुन्हे शाखेच्या सामाजिक सुरक्षा विभागाला मिळाली होती. त्यानुसार पोलिसांनी सोमवारी पहाटे जुगार अड्ड्यावर छापा टाकला. पोलिसांनी कारवाई करून लाखोंचा मुद्देमाल जप्त केला आहे. तसेच जुगार अड्ड्याच्या मालकासह २२ जणां विरोधात महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे.

जुगार अड्ड्यासाठी बेकायदा वीज जोड घेतल्याचंही पोलीस तपासात उघड झालं आहे. संबंधित जुगार अड्ड्यात जुगार खेळणाऱ्यांसाठी १५ टेबल आणि ६५ खुर्च्या मांडण्यात आल्या होत्या. पुण्याचे अतिरिक्त आयुक्त रामनाथ पोकळे, उपायुक्त श्रीनिवास घाडगे यांच्या मार्गदर्शनाखाली सामाजिक सुरक्षा विभागाचे पोलीस निरीक्षक राजेश पुराणिक, उपनिरीक्षक सुप्रिया पंढरकर, राजेंद्र कुमावत, बाबा करपे, मनीषा पुकाळे, नीलम शिंदे, इरफान पठाण आदींनी ही कारवाई केली.