Pune Porsche Car Accident : पुण्यातील कल्याणीनगर येथे शनिवारी (१८ मे) रात्री एका बांधकाम व्यावसायिकाच्या मुलाने महागड्या पोर्श कारने एका दुचाकीला धडक दिली होती. या अपघातात दुचाकीस्वार आणि दुचाकीवरून प्रवास करणाऱ्या तरुणीचा मृत्यू झाला. या अपघातानंतर पोलिसांनी आरोपीला ताब्यात घेतलं होतं. रविवारी (१९ मे) दुपारी त्याला विशेष हॉलिडे कोर्टात हजर करण्यात आलं. सरकारी वकिलांनी या आरोपीच्या पोलीस कोठडीची मागणी केली होती. मात्र, आरोपी अल्पवयीन (साडेसतरा वर्षे) असल्यामुळे न्यायालयाने सरकारी वकिलांची मागणी फेटाळत त्याचा जामीन मंजूर केला होता. तसेच आरोपीला अपघातावर ३०० शब्दांचा निबंध लिहायला सांगितलं होतं. पाठोपाठ त्या मुलाला वाहन चालवायला देणाऱ्या त्याच्या वडिलांना अटक करण्याचे आदेशही दिले होते. आरोपीच्या वडिलांना पोलिसांनी मंगळवारी छत्रपती सभाजीनगरमधून अटक केली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
