पुणे : रस्त्यांची दुरवस्था, कॅन्टोन्मेंट भागातील जुन्या इमारतींचा रखडलेला पुनर्विकासाचा प्रश्न, अरुंद रस्त्यांमुळे होणारी वाहतूक कोंडी अशा समस्या पुणे कॅन्टोन्मेंट विधानसभा मतदारसंघातील नागरिकांना भेडसावत आहेत. गेल्या काही वर्षांपासून हे प्रश्न प्रलंबित असून, वारंवार पाठपुरावा केल्यानंतरही त्यावर तोडगा निघत नसल्याने या भागातील नागरिकांमध्ये नाराजी आहे.

या मतदारसंघातील काही भागांत मोठ्या झोपडपट्ट्या असून, काही भाग उच्चभ्रूंचा आहे. ताडीवाला रस्ता, मंगळवार पेठ, सोमवार पेठ, कोरेगाव पार्क, डायस प्लॉट, काशेवाडी, हरकानगर, मोदी खाना, भीमपुरा, कॅम्प परिसर, सोलापूर बाजार, गुलटेकडी, घोरपडी, वानवडी, तसेच बी. टी. कवडे रस्त्याचा काही भाग कॅन्टोन्मेंट विधानसभा मतदारसंघात येतो. रोजंदारीवर काम करणारे, मध्यमवर्गीय याचबरोबर व्यावसायिक, उद्योजक, तसेच वरिष्ठ पातळीवर काम करणारे अधिकारीही या मतदारसंघातील कोरगाव पार्क परिसरात राहतात.

Woman driving BMW steals flower pot from outside Noida shop, video goes viral
“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल
Mahayuti Government
Shiv Sena : महाराष्ट्राला लवकरच तिसरा उपमुख्यमंत्री मिळणार,…
MNS Chief Raj Thackeray
महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…
Pune Video
Pune Video : “पुण्यासारखं सुख कुठेच नाही!” एकदा हा व्हायरल व्हिडीओ पाहाच
maharastra vidhan sabha election 2024 shivsena ubt workers upset over muslim candidate
उद्धव ठाकरेंच्या निर्णयामुळे शिवसैनिक नाराज
Redevelopment of government leased building with express intention of catering to builder lobby by MLA
मला अखेरपर्यंत याच घरात रहायचे आहे…
Pune hit and run case
पुण्यात पुन्हा हिट अँड रन! रस्त्यावर फटाके फोडणाऱ्याला भरधाव कारने दिली धडक; ३५ वर्षीय व्यक्तीचा जागीच मृत्यू
rickshaw driver punched police crime against wife mother along with rickshaw driver
जनता वसाहतीत ‘रुट मार्च’ अडवून रिक्षाचालकाकडून पोलिसांना धक्काबुक्की

हेही वाचा – मतदारांना ‘किंमत’ देणारे लोकप्रतिनिधी

कटक मंडळांचा (कॅन्टोन्मेंट बोर्ड) समावेश महापालिकेच्या हद्दीत करण्याचा निर्णय नुकताच घेण्यात आला. मात्र अद्यापही त्यावर शिक्कामोर्तब न झाल्याने हा भाग पालिकेच्या हद्दीत कधी जाणार, हे स्पष्ट झालेले नाही. कटक मंडळाच्या हद्दीत अनेक जुन्या इमारती असून, अनेक इमारती मोडकळीस आल्याने अक्षरश: धोकादायक बनलेल्या आहेत. मात्र, त्याचा पुनर्विकास करायचा झाल्यास त्यासाठी संरक्षण खात्याची मान्याता लागते. ही प्रक्रिया अत्यंत किचकट असल्याने गेल्या अनेक वर्षांपासून हा प्रश्न प्रलंबितच राहिलेला आहे.

या मतदारसंघात जुन्या झालेल्या सांडपाणी वाहिन्या, रस्त्यांची दुरवस्था, अरुंद रस्त्यांमुळे कॅम्प भागात होत असलेली वाहतुकीची कोंडी, याबरोबरच अपुरी पार्किंग व्यवस्था असे प्रश्न आहेत. या मतदारसंघात सर्वधर्मीय नागरिक आहेत. मुस्लीम, दलित, ख्रिश्चन समाजाचे लक्षणीय मतदार या मतदारसंघात आहेत. एका बाजूला उच्चभ्रूंची लोकवस्ती तर एका बाजूला झोपडपट्टीत येणारा भाग, असे चित्र येथे पाहायला मिळते. कटक मंडळ सदस्यांची निवडणूक रखडल्याने पाठपुरावा करायचा, तर कोणाकडे, असा प्रश्न येथील नागरिकांकडून विचारला जात आहे.

हेही वाचा – अटक न करण्यासाठी लाच घेणारा पोलीस उपनिरीक्षक गजाआड

प्रमुख समस्या

  • कटक मंडळाच्या हद्दीतील इमारतींचा रखडलेला पुनर्विकास.
  • केंद्र, तसेच राज्य सरकारकडून निधी मिळण्यास अडचण.
  • वाहतूक कोंडीमुळे नागरिक त्रस्त.
  • रेल्वे उड्डाणपुलांची रखडलेली कामे.
  • अपुऱ्या आरोग्य सुविधा.

Story img Loader