गुंड नीलेश घायवळला वाहतूक शाखेचा दणका, मोटारींना काळ्या रंगाच्या काचांचा वापर केल्याप्रकरणी दंड

पुणे : गुंड नीलेश घायवळला वाहतूक पोलिसांनी दणका दिला. नगर रस्त्यावरून घायवळ त्याच्या साथीदारांसह काळ्या काचा असलेल्या तीन मोटारींतून निघाला होता. त्यावेळी वाहतूक पोलिसांनी काळ्या काचा असलेल्या मोटारी पाहिल्या. मोटारी अडवून घायवळ आणि साथीदारांकडून सहा हजार रुपयांचा दंड वसूल केला. गुंड घायवळची कोथरुड परिसरात दहशत आहे. खून, खुनाचा प्रयत्न, शस्त्र बाळगणे, खंडणी, अपहरण असे गंभीर गुन्हे घायवळविरुद्ध दाखल आहेत. पोलीस आयुक्त अमितेश कुमार यांनी शहरातील गुंड टोळ्यांच्या म्होरक्यांची झाडाझडती घेतली होती. गुन्हेगारी टोळक्यांच्या म्होरक्यांना पोलीस आयुक्तांनी समज देऊन शहरात गंभीर गुन्हे केल्यास कठोर कारवाई करण्यात येईल, असा इशारा दिला होता. घायवळचे नगर जिल्ह्यातील जामखेड परिसरात मूळगाव आहे. जामखेड परिसरात घायवळने सामाजिक कार्यकर्ता म्हणून दबदबा निर्माण केला आहे. नगर रस्त्यावरून घायवळ आणि साथीदार मंगळवारी दुपारी मोटारीतून निघाले हाेते.

हेही वाचा : एमपीएससीतर्फे मुद्रांक निरीक्षक पदाच्या परीक्षेचा निकाल जाहीर

आणखी वाचा

या गावातील कागदपत्रे तातडीने हस्तांतरित करा, पालिकेला राज्य सरकारने का दिला आदेश?

वाढीव मतदानाचा ‘लाभार्थी’ कोण?

हडपसरमध्ये चालणार ‘एम’ फॅक्टर ! बंडखोर उमेदवाराच्या मतांंवर विजयाचा कौल

निवडणूक संपताच खिशाला झळ! पुणे, पिंपरी- चिंचवडमध्ये सीएनजी दरवाढीचा दणका; बदललेले दर जाणून घ्या…

‘मावळ पॅटर्न’ यशस्वी होणार का?

प्रतिष्ठेच्या लढतीत कोण बाजी मारणार?

कंत्राटी कामगारांना कार्यालयात मोबाइल वापरण्यास बंदी, पीएमआरडीए प्रशासनाचा निर्णय

पिंपरी : मतमोजणीनिमित्त उद्या ‘या’ भागातील वाहतुकीत बदल

कोथरूडमध्ये चंद्रकांत पाटील यांच्या मताधिक्याची चर्चा

खराडी जकात नाका परिसरात वाहतूक शाखेचे पोलीस निरीक्षक अरविंद गोकुळे आणि सहकारी वाहनांची तपासणी करत होते. त्यावेळी काळ्या रंगाच्या काचा असलेल्या तीन माेटारी पोलीस निरीक्षक गोकुळे यांनी पाहिल्या. काळ्या काचा, तसेच वाहन क्रमांकाच्या पाटीवर केलेल्या फेरफारामुळे (फॅन्सी नंबर प्लेट) पोलीस निरीक्षक गोकुळे आणि सहकाऱ्यांनी मोटारचालकांची चाैकशी सुरू केली. तेव्हा मोटारीत घायवळ आणि दहा ते पंधरा साथीदार असल्याचे निदर्शनास आले. पोलिसांनी मोटारी अडविल्यानंतर घायवळ आणि साथीदारांनी तेथून जाण्याचा प्रयत्न केला. काळ्या काचा आणि फॅन्सी नंबर प्लेटचा वापर केल्याप्रकरणी वाहतूक पोलिसांनी घायवळसह साथीदारांना सहा हजार रुपयांचा दंड ठोठावला. घायवळ आणि साथीदार निमूटपणे दंड भरून तेथून रवाना झाले.