पुणे : शेवगा, ढोबळी मिरची, फ्लाॅवर, भुईमुग शेंगाच्या दरात घट घट झाली. हिरवी मिरचीच्या दरात वाढ झाली असून अन्य फळभाज्यांचे स्थिर असल्याची माहिती व्यापाऱ्यांनी दिली. श्री छत्रपती शिवाजी मार्केट यार्डातील घाऊक बाजारात रविवारी राज्य, तसेच परराज्यातून मिळून ९० ट्रक फळभाज्यांची आवक झाली. गेल्या आठवड्याच्या तुलनेत फळभाज्यांची आवक कमी झाली आहे. कर्नाटक, गुजरात, आंध्र प्रदेशातून मिळून ७ ते ८ टेम्पो हिरवी मिरची, कर्नाटक, गुजरातमधून मिळून ४ ते ५ टेम्पो कोबी, कर्नाटकातून २ ते ४ टेम्पो घेवडा, आंध्र प्रदेश, तमिळनाडूतून मिळून ५ ते ६ टेम्पो शेवगा, राजस्थानातून ५ ते ६ टेम्पो गाजर, हिमाचल प्रदेशातून एक ट्रक मटार, कर्नाटकातून २ ते ३ टेम्पो भुईमूग शेंग, आंध्र प्रदेश, तामिळनाडू, कर्नाटकातून ५ ते ६ टेम्पो तोतापुरी कैरी, गुजरात आणि मध्य प्रदेशातून १० टेम्पो लसूण अशी आवक परराज्यातून झाली, अशी माहिती मार्केट यार्डातील ज्येष्ठ अडते विलास भुजबळ यांनी दिली.
पुणे विभागातून सातारी आले ५५० ते ६०० गोणी, भेंडी ६ ते ७ टेम्पो, गवार २ ते ३ टेम्पो, टोमॅटो ८ ते १० हजार पेटी, हिरवी मिरची ३ ते ४ टेम्पो, ढोबळी मिरची १० ते १२ टेम्पो, काकडी १० ते १२ टेम्पो, कोबी ७ ते ८ टेम्पो, फ्लाॅवर १० ते १२ टेम्पो, तांबडा भोपळा १० ते १२ टेम्पो, कांदा १०० ट्रक, तसेच इंदूर, आग्रा, स्थानिक भागातून ६० ते ६५ टेम्पो बटाट्याची आवक झाली.
कोथिंबीर, मेथी, शेपू, कांदापात, करडईच्या दरात घट
कोथिंबीर, मेथी, शेपू, कांदापत, करडई या पालेभाज्यांच्या दरात घट झाली. चाकवत, पुदिना, अंबाडी, मुळे, चुका, राजगिरा, चुका, चवळई, पालक या पालेभाज्यांचे दर स्थिर आहेत. तरकारी विभागात कोथिंबीर ९० हजार जुडी, मेथीच्या ४० हजार जुडींची आवक झाली., अशी माहिती तरकारी विभागातील व्यापाऱ्यांनी दिली. घाऊक बाजारात पालेभाज्यांचे शेकड्याचे दर पुढीलप्रमाणे – कोथिंबीर- ८०० ते १५००, मेथी – १२०० ते १५००, शेपू – ८०० ते १०००, कांदापात- ८०० ते १२००, चाकवत – ४०० ते ६००, करडई- ३०० ते ६००, पुदिना – ३०० ते ५००, अंबाडी – ३०० ते ६००, मुळे – ८०० ते १२००, राजगिरा- ४०० ते ६००, चुका – ५०० ते ८००, चवळई- ३००-६००, पालक- ८००- १२००
लिंबू, पपईच्या दरात वाढ
लिंबू, पपईच्या दरात वाढ झाली. डाळिंबांच्या दरात घट झाली आहे. अननस, कलिंगड, संत्री, मोसंबी, कलिंगड, खरबूज, चिकूचे दर स्थिर असल्याची माहिती व्यापाऱ्यांनी दिली. फळबाजारात रविवारी मोसंबी ४५ ते ५० टन, संत्री ५० ते ६० टन, डाळिंब ३० ते ३५ टन, पपई ८ ते १० टेम्पो, लिंबे दीड ते दोन हजार गोणी, कलिंगड ७० ते ८० टेम्पो, खरबूज ३५ ते ४० टेम्पो, चिकू दोन हजार खोकी, पेरू २५० ते ३०० प्लास्टिक जाळी (क्रेट), अननस ४ ट्रक अशी आवक झाली.
